صديقتي عصبية وتحرجني بكلامها

جفرا نيوز - انا عندي صديقه مقربه جدا معاي اكثر من ١٢ سنه يعني مااغبي عليها شي ابد وهي نفس الشي بس فيها عاده سيئه جدا وهي ان فجاءه تصرخ بوجهي ع اسباب سخيفه سواء كنا بروحنا او عند ناس او بين صديقاتنا الباقين يعني مثلا نكون بنقاش عادي جدا فجاءه تصرخ علي اذا ماعجبها الموضوع او تبي ترد ع النقاش بالرفض ومرات ع اشياء جدا سخيفه يعني حتى مايكون فيها نقاش مثلا مره رحت الكفتيريا وطلبت لي ولها كالعاده الي يوصل قبل يطلب لثاني تأخرت صديقتي وجلست انا وافطرت جت وانا كنت اكل وقلتلها ان الشاي حقها هنا سألتني حطيتي سكر ؟ قلت لا قامت تتكلم بصراخ ليششش ليششش ماحطيتيلي سكر طبعا كنت مع مجموعه بنات بالكفتيريا كلهم قاموا يطالعون مستغربين الوضع مرره كان محرج لي لدرجه مارديت عليها من الصدمه والي خلا البنات يستغربون اكثر ردت فعلي حسيت ان نظرتهم لي كأني ضعيفه رغم ان وجهه نظر الناس ماتهمني الا اني لاحظت ان بسسبب هالمواقف الناس صارت تستصغرني وماتشوفني شي ولا يحترموني طبعا هي راح تاخذ سكر وجت والوضع كان طبيعي بالنسبه لها يعني ماكانت ملاحظه انها سوت شي غير لائق مع انها شافت اني كنت افطر والبريك اصلا قصيير مره ولا انا امها عشان احطلها سكر وفوق هذا يكفي اني طالبه لها طبعا انا اخذتها بعد الموقف وتكلمت معاها وحسيت انها فهمت وحست نفسها سخيفه بس مع ذلك طبعها هذا موجود وهي فضه شوي بالكلام يعني تكسح مثلا ترد باسلوب يفشل الواحد مع اني ادري انها تحبني ماتسوي هالشي عشان تكرهني يعني بس هذا هو طبعها الي هي متعوده عليه رغم انها ماتستخدم هالاسلوب الا معاي لان بالاصل مغتربين ف صديقاتنا الي بدولتنا كانت تعاملهم نفس الطريقه هذا كان يخفف علي لان الكل يعرف اسلوبها والكل تقريبا نفس الاسلوب ومايشوفونه شي عظيم بس لما جينا هنا البنات الباقين مايعرفونها وهي تستحي منهم ومو معاهم حيل ف مستحيل انها ترفع صوتها او تكسحهم بس انا عشانها ماينه علي كيف ارد عليها بنفس الوقت وبنفس الموقف ماابي اعصب عليها ابي ارد برد حكيم يخليها ماتستخدم هالطبع وبنفس الوقت الي حوالينا ماينظرون لي نظره الدونيه وكيف اتعامل معاها تعبت من طبعها هذا جدا