أهل زوجي يجرحوني بكلامهم !!

جفرا نيوز - تعرضت لحادث سير مؤخراً وأثر على صحتها ، وبدأ زوجها يشاركها رحلة العلاج الا ان ردة فعل أهله لم تكن مرضية وجارحة وطلبت وضع اقتراحات وحلول لمساعدتها في مشكلتها ... 

انا امرأه متزوجه من 10 سنوات زوجي مشالله عليه كويس معي كتير ودار عمي ماشوفت منهم اشي عاطل طول السنوات هاي وبعاملوني كاني بنتهم واعز ... 

بس مشكلتي صار معي حادث قبل فتره وهالحادث اثر على صحتي ومن جديد بلشت المضاعفات تبين وبلشت اشكي لزوجي ووداني على كذا دكتور المشكله انه حماتي من حد ما عرفت وكل اشوي بتحكيلي يابنتي الوحده ما لازم اضل تشكي لزوجها عن وجعها عشان ما يمل منها ولازم تتحملي وتسكتي وحكتلي كلام جرحني كتير حسستني اني عاله عليهم وهم بعالجو في عشان يبرو ذمتهم والله انه نفسيتي مدمره من الكلام الي حكته بس ما بقدر ارد عليها لانه متل امي وانا من النوع الي ما بقدر ارد بواقاحه بس مقهوره من كلامها قد الدنيا ومن وقتها مسكره ع حالي بيتي ومش قادره اروح عندهم ولا اشوفها مو عارفه شو اتصرف مجروحه من الكلام الي حكته بس مو قادره اعمل اشي لاني بنت اصلا ما بقدر ارد او اتصرف تصرف يجرح حدا مني