جفرا نيوز -
جفرا نيوز- يا جماعة انا بدي احكيلكم عن اشي بصير معي ما بعرف ازا هي مشكلة او لا بس بدي حلل
انا بنت عمري ٢٠ سنة من وانا وصغيرة وانا بتنبأ لكل شي قبل ما يصير وهالشي واضح جداً واهلي شايفينه
يعني قبل نتائج التوجيهي بليلة حكيت لاهلي اختي رح تجيب معدل ٨٦.٤ وفعلياً تاني يوم معدلها طلع متل ما حكيته بالزبط
لما يرن رقم غريب على امي بحكيلها هاي فلانة رانة عليكي من بنتها وبطلع هالحكي مزبوط
انا بنت الحمدلله بصلي وبخاف الله واللي رح يحكيلي هاد الشي من جن او من قرين ف مستحيل لاني انا بحس بالشغلة مو قبل ما تصير بفترة طويلة، انا بحس فيها وبتنبأ قبل بيوم يومين او باللحظة نفسها
يعني من فترة خالي اجا بحكي صاحبي اله فترة ما برد على مكالماتي وما بلمحه نهائياً، بحكيله صاحبك محبوس تلات شهوو وبطلع صار يضحك اخد الموضوع بمسخرة وفعلياً اجاني خالي تاني يوم بحكيلي رحت على بيت اخوه لصاحبي وحكالي انه محبوس وبده تلات شهور ف اهلي تعجبو من الموضوع انه كيف عارفة بكل هالتفاصيل
انا ما بعرف ازا هاي مشكلة او لا بس صارت جداً متعبة بالنسبة الي لانه على مستوى الناس البعيدة عني ومش حولي بكون عارفة شو بصير معهم وكلامي كله بطلع مزبوط
في حد بصير معه نفس هالحكي ! وشو السبب ! وشو الحل ! يمكن تتمسخرو بس الناس الفهمانة رح تعرف انه في ناس هيك واللي بصير معي بصير مع ناس غيري
بس شووووو الحللل يا جماعة هاي مشكلة ولاا وضعي طبيعي !️
النسخة الكاملة
