هل ظلمته؟!

جفرا نيوز- مو عارفة من وين بدي ابلش وليش بكتب اعتراف يمكن لحتى اشوف اي كومنت يساعدني أو يريحلي ضميري لو شوي لهيك بتمنى ما حدا يسب ولا يجرح

انا بنت تخرجت جديد وبعدها ما صحلي شغل لهيك قعدت بالبيت وحسيت بفراغ وروتين بالصدفة طلعلي دعاية برنامج كان برنامج لتعديل الصور ف نزلتو وبعدها اكتشفت انو برنامج تواصل اجتماعي كمان وبعدل صور وهيك المهم صدف وتعرفت ع شب عهالبرنامج طبعا من بدايت حكيي معو كانت نيتي انا ما بدي احب وهالقصص ولا بدي اتعلق بحدا يعني حكينا كان عادي وأقل وكلو مزح عادي يعني زي الحكي يلي بيني وبين صاحباتي ومرت الايام ونحكي انا استمريت لانو عنجد حسيتو حدا طيب وكنت انبسط بس نحكي ونضيع وقت سوا ومن البداية وضحتلو انو انا بديش لا اتعلق ولا احب وما بحب حكي الحب وهالمياعة وكنت صادقة معو

حسيتو صاير يتقرب هالفترة وسألني اكتر من مرة عن طريق المزح انو بقبل فيه لو اجا وطلبني انا كنت اغير الموضوع لانو هو بمحافظة بعيدة ولو صار وتقدملي اهلي مستحيل يوافقو ف كنت ابينلو انو مستحيل هالشي

لكن انا بعمر زواج وفعليا بتقدملي ناس كتير لهيك حسيت صح حكينا عادي بس خلص لازم ابعد بأقرب فرصة

بيوم كان طالع بث وبنحكي طبعا انا بحكي معو بس كتابة ف دخلت بنت وحكت معو حسيت انو خلص هاد سبب لأبعد وبنفس الوقت ما يحس اني ظالميتو

وفعلا بعدت وهو استغرب يحكي ليش ما بتبعتي ف انا عملتها مشكلة وقلتلو خلص ححذف البرنامج وكلشي وانو بتمنالو الخير ومن هالقصص

وضل يبعت ولليوم ببين عندي إشعار انو ببعت

مع العلم انا لا بعتلو صورتي ولا حكيت معو صوت لحتى يتعلق فيني وكمان انا كنت أخاف بالبداية ابعد لانو هو بشتغل اشي أمني وممكن يجيب كل المعلومات عن أي شخص ف خفت ينتقم أو شي مع انو الحمدلله ما غلطت بشي

حاسة حالي ظلمتو وبنفس الوقت ما بدي ادخل قصص حب واظلم الشخص يلي حرتبط معو بالمستقبل

ريحو بالي انا ظلمتو ولا كيف