جفرا نيوز - جفرا نيوز- انا مخنوقه والله ولازم افضفض انا متزوجه من ست سنوات عندي ٣ أطفال عمري ٢٩ سنه كان زوجي يشتغل وراتبه كان يضل منه ١٦٠ دينار ما كانو يكفوا ابدا مصروف للبيت واله وللاولاد يعني كان الوضع سيئ جدا وبيتنا ملك كان فوق اهله ودفعنا اقساطه وخلصنا بس طلعو عيوننا يعني الله بيعلم كيف سددنا كل اقساطه وصفي النا اجا لجوزي شغل منيح برا عمان واظطرينا نطلع من بيتنا ونرحل معه بس اهله اخذو البيت منا واجروه واخدو اجاره هم مع انه كلهم ثلاث أفراد بالبيت ووضعهم منيح وكل مصاريفهم رايحه اكل وشرب وبعزقه واحنا كان فوقيهم ماملين هوا ما كانو يسألو وهسا صح جوزي بشتغل وراتبه ساترنا بس والله برضه اوقات كثير بننزنق وبنظطر نتداين او نسحب من راتبنا وجوزي مش مسترجي يطلب من اهله اشي من اجار البيت مع والله الله بيشهد صار من لقمتي ولقمه أولادي والطفر الي عشناه وانا متذايقه جدا من هالموضوع خايفه احكي كل الي بقلبي اله او لأهله يطلقني والسكوت رفع ظغطي شو اعمل بالله عليكم
النسخة الكاملة
