مشاكل بيني وبين زوجي من أجل زميلته في العمل

جفرا نيوز- انا رح احكيلكو مشكلتي بس بتمنى تفهموني منيحة لانو ولا حد فاهمني ولا حد ملاقيلي حل انا لجأت الكم 

انا تزوجت جوزي تقريبا شبه عن حب حكينا شهر واجى خطبني وكانت احلى ايام معو وتزوجنا وكنت مبسوطة كتير اللي صار وحدة من شغلو لفت عليه وبشهد طبعا متزوجة ومخلفة ابنها الكبير 15 سنة بس لسة صغيرة ف العمر هيو اكبر من زوحي ب 7 سنين المهم صار مشاكل كتييرة ودخلو ناس كتيرة ومباحث وقرايبي وقرايبو ونفضحنا عشانها وهددنهأ وع الفاضي وهو مش راضي يبعد ولا هي م في حل حردت كتير وحاولت ابعد واجفى بس بلاقيه ع راسي وحاولت كمان اقرب منو ع الفاضي متمسك فيها كتير ومرة مسكتو بيغلط عليا وهو بكلمها ومرة سمعتهم بيحكو حكي مش مزبوط وبينكرو هما الاتنين انا معي ولدين وصغار انا ابوية وامي متوفين واناالكبيرة وما النا ولما كنت احرد يرجعوني ويحكولي ارجعي ما الك بركة غير جوزك انا منهارة كتير ونفسيتي تعبت الي 3 سنين بعاني من هالمشكلة نفسي الاقي حل اذا المباحث ما لاقت مين بدو يلاقيلي والله بدعيلو تقول بدعي عليه يزيد واللي بحكيلي اضبري احنا نسوان وبنفهم بعض مين بتتحمل يشوف جوزها بيحكي وبضلها ساكتة بتصبر شهر ولا شهرين وف الاخر بتفقع انا هددتو حكتلو في يوم من الايام هطلع من الدار ولا هقلك اخد اولادي واشرد صار يضحك ويقلي هي غزة كلها شبرين ونص بطولك يعني مستهين فينا وفي زعلي وفي قهري

وربنا يشهد عليا انو بكلمها اكتر ما بكلمني اصلا اغلب وقته طالع

انا تعبت كتيير حطو حالكو مكاني في وحدة م الها حد شو تعمل في الحالة هادي طبعا جوزها عالبركة وبيعرف انو بتكلم بس اعطيه فلوس وبيسكت او علبة دخان

انا كانو اهلو واقفين معي بس من لما كترت مشاكلنا وزادت حكولي اصبري والله لو بنتهم ما سكتولها