جفرا نيوز - جفرا نيوز- السلام عليكم.. والله مقهوره ومظلومه وخاطري مكسور يا جماعه الخير بدي احكي قصتي وأنصحوني انا طلقت من ثلاث شهور والصراحه صحيت ع حالي وندمت ما فكرت الطلاق هيك طلع جحيم كل الي تزوجته ٨ شهورانا صبرت عليه سنتين خطبه وقفت معه عالحلوه وعالمره ربنا يشهد علي وهو عنده سلبيات كثييير ما بدي اذكرها وتحملت وصبرت عشان الستره والله انا بنت منيحه وخاطري مكسور ومظلومه بس بالآخر ما قدرت اتحمل وطلبت طلاق ما معي ولاد بس المشكله الطلاق دمرني دايما بحس بنقص ووحده ومخنوقه دايما والله بكتب ودموعو بنزلو انا لسه بحب طليقي تركتو من كثر المشاكل هو هسا حاب يرجعني وحكا مع اهلي وحكالي رح ترجعي ع دارك وانا اتسرعت ودخل فيها عمامه عشان يحكو مع أهله يرجعني بس المشكله اهله رافضين يرجعني مع اني اقسم بالله ما عمري قصرت بحقهم وبحبهم زي اهلي وزياده بس همه خايفين نظل نتمشكل ونطلق وهو حكالي حتا لو ابوه ظل يرفضني رح يظل يحاول معه بدل المره عشره وحكا انشالله بترجعي ع دارك بس طولي بالك واصبري شوي وهيني صابره وكل يوم بصلي وبقيم الليل وبقرا سوره البقره بنيه الله يجمعني فيه انا ما فرحت بالجيزه نفسي اجرب شعور الامومه كل خواتي أمهات انا شو ناقصني نفسي ارجع لبيتي واكون ست بيت وربنا يرزقني الذريه الصالحه والله مش طالبه شي غير الستره ليش دايما البنت المنيحه واللي قلبها ابيض ونيتها صافيه وطالبه الستره هيك بتنظلم من الزوج ودار الحما ليش الحياه ماشيه بس مع الناس العوجا مع انه والله اجاني عريس بس لسه بحب طليقي انصحوني وشكرا
النسخة الكاملة
