النسخة الكاملة

استخرت بين شخصين ولسه مترددة

الخميس-2020-11-22 04:31 pm
جفرا نيوز -
جفرا نيوز- انا بنت بالجامعة كان بيعجبني شب وهو حبني بشدة وكنا صغار مو جاهزين للارتباط خصوصا انو هو من غير بيئة وبيئتهن بيتزوجو من بعض وقدامو جيش وظيفة و.....

وافترقنا
بعد الجامعة كل واحد راح بطريقو و صار يتقدملي ناس وهو متوقع اتجوز قبله كونو الزلمة وراه جيش
خطر ببالي وسألت عنه وعرفت انو تزوج وانجب طفل
وانا بعدها توظفت وصار عدة مواضيع ارتباط بحياتي
بس ماتمت بسبب الحرب
ومرت السنين وضاعت اخباره ومرق عالجامعة ١٥ سنة
و ارتبطت بشخص حبني وحبيتو واهلو ما بدهم ياني بالبداية وتحداهم واقتنعو فيني ورسمنا مشوارنا سوا خطوة خطوة وهو حلو ومناسب وبعث أهله عنا بس ما صار خطبة رسمية
بيوم من الايام عالفيس بلاقي الشب تبع الجامعة كاتبلي
قلتلو كيف لقيتني
بعد ١٥ سنة
طبعا هو سابقا ما كان الو نشاط عالفيس لأسباب أمنية
بيقلي خطر ببالي ادور عليكي ولقيتك
قلي انو وقت بلشت الحرب حاول يتطمن عليي من رفقاتنا بالجامعة بس قالولو بتكون طلعت وتزوجت وسافرت من زمان لانو منطقتا خربانة ما قدر يعرف اخباري بالحرب
اول سؤال سألني ياه تزوجتي؟
قلتلو ارتبطت
هو طلع متزوج وحدة وما اتفق معها و
مطلق من سنين بس ما خطرلو كون لسه مو متزوجة
هو متل شخص ضايع بصحرا كان بيدور طول عمرو ع مي ولما لقاها طلعت لحدا تاني
عم يقنعني اترك بقلي ماصار لسه شي رسمي هو ما بحبك قدي
وانا بعرف هالشي
انا بعمر ناضج ما بقارن فيه بيناتن بمصاري أو شكل أو شهادة
أنا بقارن بيناتن بالاسلوب بالمحبة بالدين والأخلاق
وتبع الجامعة افضل فيهن
بقلي لا تقارني حب عمره شهور
بحب عمرو سنين ولساته عايش
بس انا مو قادرة اخلف وعدي لشخص تحدى أهلو بدو ياني وبنفس الوقت مو قادرة انسى شخص حبني بجنون