أبي رفض حبيبي وسيزوجني لابن عمي المريض نفسياً

جفرا نيوز- مرحبا انا بنت عمري ٢٤ سنة عندي مشكلة ياريت اتحلولي ياها انا بحب شاب ساكن قريب من منطقتي جدا محترم و خلوق و هو مش من شباب زعران الي بستغلوا بنات بلعكس هو بحبني كتير بس وضعه مالي مش مستقر و عائلتي من ناس معقدة من هاي ناحية الحب قبل زواج و بالاخص ابوي جدا صارم بهيك أمور فكانت كل تواصلي مع شاب بالتيلفون رسائل او اتصال سريع و اذا شفته في شارع كنت اسلم علي سلام سريع مرة كنت بحكي معه عبر رسائل و إلا يسألني تتزوجيني كتبت له ههههههه مش وقت مزحك هسا رد علي و قلي لا جد انا بدي ياكي تكوني زوجتي و حلالي و وردة حياتي، بعد مدة اكتشفت امي اني عم بحكي مع شاب اترجيتها انها ما تحكي لأبوي و حتى شاب طلب مني يحكي مع امي و حكالها بنتك بدي ياه على سنة الله و رسوله و فعلا انه بنتك بنت اصول و مميزة، قالتله ياريت تيجي تخطبها قبل ما يعرف ابوها في موضوع، بعدها بيومين حكالي انه جاي مع امه يخطبني و قلي اعملي حالك ما بتعرفيني و اول مرة بتشوفيني، أجا و جلسنا كلنا و صار حكي المعتاد و حسيت من وجه ابوي انه أتقبل شاب و انا كنت مبسوطة كتير، بس صار شي قلب دنيا فوق تحت دخلت اختي صغيرة سألتني بصوت عالي هاد الشاب يلي كنتي اتوقفي معه و اتحبوا بعض؟، انا ما بعرف كيف عرفت و ابوي جحرني و قال للشاب معلش بنتي محجوزة لابن عمها مافي نصيب، و شاب عم يحاول و ابوي عم يصده بالحكي و بعد ما طلع من بيت ابوي بلش ضرب فيي و بلش يشتمني بشرفي و اخذ مني تيلفون و حلف انه رح يزوجني لابن عمي طبعا ابن عمي مجنون و بتعالج نفسي و بدهم يزوجوه عشان بدهم حد يراعيه انا ما بدي ابن عمي بدي حل الله يخليكم ، عم استعمل تيلفون امي عشان اكتب رسالة و شكرا