النسخة الكاملة

زوجي طردني من البيت

الخميس-2020-11-18 04:07 pm
جفرا نيوز -
جفرا نيوز - انا متزوجة من سنتين يشهد الله كلهم تعب وعزاب وهم معه فيه ايام حلوة بس قليلة جدا

بطلني من المدرسة وانا معلمة ومن لمن تزوجنا لليوم تكفير وكزب وخيانة وقلة احترام وقيمة واقل اشي روحي عند اهلك واهلي دوبهم متحملين حالهم

تخانقنا قبل اسبوعين حلف طلاق ما ادخل البيت لاسبوع

عشان جارنا ملزق فينا يا بده يسهر عنا يا يسهره عنده هو ومرته وضحك ومسخرة قمت بهدلتهم التنين
وانا حامل بتوأم عوجه ولادة حردني وما سال حتى بالفحوصات وبراجع لحالي بالمستشفى بباطح لحالي وامي مش طايقاني عندها ولا بدها اولد عندها وهو بقلي ارجعي لحالك بعد ما رن على اهلي الساعة 11 ياخدوني وبهدلني وبدعي علي وما بسال فيا وبسب عأهلي

واهلي ما بييجوا فيه نهائي هو لسانه وسخ حتى مع اهله
ويني هلا الوجع والتعب وويلي النفسية ااي زي الزفت

ويلي ابن هالحرام الي مش عارفة كيف اخلص منه وكيف اكمل معه حسبي الله ونعم الوكيل بس وبقلي بدي اعزبك واموتك واخليك تولدي لحالك عشان سبيتي على جارنا والله ما هو مزبوط الزلمة بييجي يسهر بروحش للصبح

وهو متسلي وانا ممكوتة لا وبجبلي مرته كمان تطقلي حنك بالساعات بضل بتوب الصلاة هاد ظلم ظلمات شو اعمل احكولي والله الوجع دابحني....