النسخة الكاملة

لا استطيع الخروج مع خطيبي

الخميس-2020-11-18 04:06 pm
جفرا نيوز - جفرا نيوز- انا بنت خاطبه مكتوب كتابي وخطيبي شخص جدا خلوق ومحترم والكل بيشهدله ونفسه بابا بيشهد ب اخلاقه ودينه ، هلأ المشكله انه ابوي ما بخليني اطلع معه بالمره حتى مشوار صغير هيك بالسياره ما بخليني وبحكيلي لأ تروحيش ، طيب انا نفسي اطلع معاه نفسي نروح مكان مطعم كافيه نقعد متلنا متل اي تنين ، بس اهلي عقدوني وصار الموضوع يأثر علي صرت يوميا اعيط وانخنق وحتى بطلت اعرف احكي مع خطيبي بسبب انه اهلي من قد ما بمنعوني من شغلات راحت ثقتي من حالي ، ما بحس الي كلمه او اني خطبت يصير الي احترامي ، لا ابوي لهلا ع كل خناقه بتصير بالبيت ما بكون الي دخل بصير ينادي علي ويسب ويغلط وانا ما بكون الي دخل ، يمكن تشوفو المشكله عاديه بس فعلياً انا عم انهار يوم عن يوم وبتعب لدرجه صرت بحس اني بدخل بحاله اكتئاب ، بدي حدا يحكيلي شو اعمل شو اسوي شو التصرف الصح مني بهيك وضع