لا أعرف أن أتكلم رغم كثرة أصدقائي وعلاقاتي

جفرا نيوز- ساعدوني اتغير مرحبا اسأل الله ان يحقق لكم امانيكم ويديمكم بالصحة والعافية انا عندي مشكلة وشايفها انها مشكلة كبيرة بحياتي ومأثرة فيني شخصيا وحتى احيانا اصاب بأحباط شديد وياريت تساعدوني بأي معلومة او شيء ممكن يساعدني ولا تمشو من السؤال بدون جواب اسف لأني طولت عليكم عنجد بس الكلام اللي بقلبي الموجوع عم يطلع وانا عم اكتب بدون ما احس بكثر الكلمات انا شب عمري ٢٠ سنة ملتزم والحمد لله وما عندي شي شمال ابدا بس عندي مشكلة الكلام ما بعرف كيف اوصفها يعني مثلا اكون قاعد مع الاصدقاء ساكت طول الوقت ما اعرف شو بدي احكي هم بيحكوا وبيضحكوا وانا بضحك معهم بس انا ما بيطلع مني كلام ابدا وحتى اذا حكيت اي شيء بعد معاناة ما احد يضحك مع ان الكل بيحبوني ما بعرف شو بدي احكي ولا كيف ولما اجي بدي احكي بتوتر واحيانا بخربط بالكلام والكلام بيدخل ببعضه لدرجة اني انا اتمسخر على تفسي كيف الكلام بعقلي بس مو قادر يطالعه لساني حاولت كتير فيديوهات تحفيزية كتب دروس مع اني بشتغل باليوم ١٣ ساعه بس ما قدرت اتغير ولا حتى ١ بالمية صارلي سنة وانا احاول (من قبل ما كان عندي اصدقاء انا كنت وحيد وما احب اطلع من البيت بس هلق بحب اصدقائي وبحب اطلع بس احيانا اكره اني اروح عشاني بعرف اني مارح اعرف اتكلم والكل رح يقولي شبك يا (فلان ليش ماعم تتكلم وانا حتى هاد السؤال ما بعرف اجاوب عليه تخيلو !! الخلاصة والله طولت عليكن اسف مرة تانية ياريت تكونوا فهمتو وتحاولو تساعدوني بأي شيء وياريت اللي رح يرسل تعليق يحط نفسه مكاني ويعرف كمية القهر اللي انا فيها