أعاني من طيبة أهلي المفرطة ومساعدة الناس على حساب حقوقنا

جفرا نيوز- السلام عليكم محتاجة مساعدتكم انا عندي 19 سنة من عائلة متوسطة الحال مشكلتي مع اهلي ماما وبابا عندهم شعارات حب الخير وكسب رضا الناس والمساعدة ودي حاجة كويسة جدا واتعلمت منهم العطاء والمساعدة بس مشكلتي في المبالغة عندهم تفكير اني لازم اساعد الناس حتي لو علي حساب نفسي بقيت بسال نفسي هل ده طيبة ولا سذاجة وهحكي بعض المواقف في مرة كنا في رحلة في القطار من القاهرة الي اسوان ودي رحلة بتستغرق 12 ساعة تقريبا وعادة في بعض الناس لا تلتزم بدفع تمن التذكرة وبتركب القطار من غير التذكرة وتتهرب طوال الرحلة من الكمسري دخلت واحدة من النوع ده وبابا طلب مني اني اديها مكاني وفضلت انا طول الرحلة من غير مكان بتنقل في عربات القطر واحيانا كنت بقعد علي سندات الذراع في كرسي امي اللي سببلي الم في الضهر واحيانا بقعد علي الارض وفضلت علي الحال ده 6 ساعات الموضوع فعلا مرهق ومتعب موقف تاني احنا عايشين في الريف وواحدة جارتنا متخانقة مع حماتها وحماتها مانعة الست من اي حق ليها في البيت حتي حق انها تنشر غسيلها فماما عملت لها منشر غسيل في بيتنا وهو موجود في مساحة خارجية من البيت وله باب خارجي يعني تقدر تخشه من البوابة الرئيسية للباب الخارجي من غير ما تمر من باب البيت نفسه ومن ساعتها وجارتنا واولادها داخلين خارجين علي المنشر من غير استئذان ومن غير ما نعرف انهم موجودين وماما مكسوفة تكلمها في الموضوع ده وانا مش فاهمة ازاي حد غريب منعرفوش يدخل ويخرج في البيت بدون علمنا غير مواقف تانية بتحصل معانا كتير مع جيران واقارب وغرباء هل ده طيبة فعلا والمفروض المساعدة توصل للدرجة هاي ؟