فاقد السعادة بحياتي ؟؟

جفرا نيوز -
انا شب عمري 18 سنة .. صغير عمري صح .. بس عندي مشكلة اني فعلا اكبر من عمري .. انا والدي الله يرحمه توفى من 5 سنين وانا بعد بسنة من وفاتو صار عندي نضج فجاة ما بعرف كيف .. قرررت اترك المدرسة واشتغل لانو عمامي االله يخلف عليهم متبريين منا ونفوسهم دنية .. اشتغلت وزبطت اموري وهسا الحمد لله عمرت بيت لاهلي وبصرف عالكل واموري المادية كثيير ممتازة .. بس مفتقد شغلة وحدة .. صحابي اللي بعمري لما بطلع معهم بمزحو وبضحكو وبتلاقي الضحكة طالعة من قلبهم فعلا..لكن بالنسبة الي بضحك مجاملة .. وبلاقي كثير من اللي بعملوه هبل وما منو فايدة .. مفتقد انا متعة.الحياة اللي بهالعمر .. صح مستقبلي رح يكون مرتاح بس اقسم بالله مش حاسس بسعادة بالمرة