زوجي مزاجي؟؟

جفرا نيوز -
 انا اردنيه عمري 31 سنه..تزوجت وعمري 17.زوجي اكبر مني ب15 سنه من مواليد السعوديه بس اردني. وعايشه انا وياه بجده ...اول سنه كانت كتير صعبه بس الكل حكى هاي لانه لسه بنتعرف عبعض وبكره بنتعود...بس هي صار معي 3 اولاد وبنت ولسه لا تعودت ولا طباعه تحسنت. زوجي تفكيره صعب كتير وبحسه غريب لا من مجتمعنا ولا بعرف باصول ولا بعرف بشي.وعصبي.وبعمل نكد عكل صغيره وكبيره.انا مش ملاك لكن والله بتمناله الرضى.بس لاريح راسي بس انا وصلت لمرحله تعبت..هو عمره 46..ومستحيل يغير طبعه وانا ملييت اضل اداري و24 ساعه متوتره .حتى لما بفرح من شغله بضل متوتره وخايفه لانه بعرفه بلحظه بتغير.وبقلب كلشي فوق راسي..والله العظيم مو مبالغه لكن ازا حدا عكر مزاجه بالشارع بحملني المسؤليه.انا بس اسمع صوت الباب انفتح برتعب..اهلي وضعهم المادي صفر فما بقدر ارجعلهم مطلقه.وين اروح..وغربتي فوق كل هالحكي حاسه حالي مقطوعه هون لما بتسكر معي ما بلاقي حد اشكيله والا اروح لعنده .شو اعمل بس . شو الحل