مسا الخير انا حبيت ابعتلكم حلم بيتكرر معي مو بنفس التفاصيل بس نفس الفكره ويمكن يكون عندكم حد من زوار الموقع بيعرف يفسر احلام والله كتير بتعبني هالحلم وبيرعبني ومو ملاقيه حد يفهم علي ويفسرلي اياه
اولا قبل ما احكي اي شي يمكن لازم احكي عن حالي شوي انا عمري 25 سنه عزباء جامعيه وبشتغل,
من الناحيه الدينيه انا محجبه و ملتزمه بالصلاه الحمد لله
الاحلام يلي راح اكتبها بتزورني من فتره طويله بس من جديد زادت حدتها
انا بضلني احلم بالجن بشكل عام وبشوف اشكالهم المخيفه ومن فتره يعني من شهر 10 الماضي صرت احلم بشخصيه وحده بس دايما بزورني في كل الاحلام بنفس الشكل بصحى من الحلم مرعووووبه ومرات كتيره بصحى واول ما افتح عيني بشوفه بجنبي "الجن"
مره كان الحلم انه حاول يتحرش فيني وانا مانعت كتيـــر وما قدرلي وصحيت من النوم وبعديها في مره تانيه طلعلي وحكالي انه بقدر يحولي اي صوره فيها فلوس لفلوس حقيقيه وانه لو طلبت منه يحطها بمكان راح يحطها متل ما طابت وطبعا انا مستحيل اعمل هيك شي
المهم اخواني والله يشهد علي انه كل كلمه بكتبها صحيحه وعشتها بكل لحاتها وتفاصيلها
مرت علي فتره طلغتلي فيها غده باول القفص الصدري ما تركتلها طب ولا دواء الا واستعملته وعملت فحوص سرطان والحمد لله ما كان في شي
كانت الغده بتطلع وبترجع تختفي وبس كانت تطلع ما كنت اقدر اتحرك وكنت اتوجع من الم المفاصل والعظم وكنت اتوجع ايام وترجع تختفي الغده ويختفي معها كل الوجع لحد ما انه بيوم حكولي انه اراجع شيخ بيعالج بالقران وفعلا زرته وما قصر قرأ علي وحكالي انه انا محسوده وانه في عين صايبيتني و انه في حد مشتهيني و انه لما اجي بنفسه انا بتوجع و بتالم من شده قوة النفس انا ما كنت حاكيه للشيخ عن موضوع الغده ولما حكالي هالكلام حكيتله وكان رده انه التزم بقراءة القران وبالصلاه روحت عالبيت وكلامه ما فارق سمعي طول الطريق
نمت وبالليل اجاني الجن بالحلم وحكالي مو انت حابه تعرفي مين الي نافسك انا الي نفسي فيكي وما راح تكوني مع حد غيري
يومها ما بنسى قديش بكيت وارتعبت والصبح حاكيت الشيخ وحكالي انه هاد قريني وانه انا راح اكون قادره اني اشوفه عالطبيعه وبالحقيقه وانه لازم اتحصن اكتر من اول
زدت من قراءة القران ومن الصلاه
لحد ما نمت بيوم بعد الصلاه وحلمت فيه وكان قاعد علي وماسكني من ايدي ومثبتني وبيصرخ بوجهي بيحكيلي لا تحاولي اني اتركك ما راح اتركك وراح تمرضي اكتر و اكتر بسبب عنادك وصحيت من النوم غسلت وجهي ووقرات اية الكرسي ورجعت نمت والصبح بس صحيت كانت اثار كدمات لونهم ازرق على ايدي الثنتين يعني الحلم كان صح!!!
ومن يومها انا تغيرت حياتي صرت اكره النوم و اكره الناس و احب العزله وصرت احس حالي بلشت اضعف و استسلم للاوهام صار نفسي احكي معه انه لو كان معي و سامعني انه مثلا يحكيلي شو بده او انه يعمل اشاره افهم منها انه موجود وهاد مو لصالحي
خايفه اخسر حالي و نفسي ارجع متل الاول ارجوكم فيدوني كلام الشيخ صح ولا انا لاني غرقانه تعلقت بقشه و صدقت كلامه
فسرولي احلامي احكولي حل و الله يريح باله يلي راح يقدر يساعدني
اسفه عالاطاله