جفرا نيوز- ما بعرف اذا كل الامهات الموظفات عندهم نفس حياتي 

يا جماعة عنجد اللي متزوج وحدة موظفة و بتشتغل برة و جوا يحطها ع رأسه والله لما احط راسي في الليل ع فرشتي بكون مكسرة من التعب . 

عندي ثلاث بنات و كلهم صغار و مش ملحقة عليهم حتى قصيت شعرهم زي الولد عشان بس ما اتغلب بتمشيطهم و برضو مش ملحقة . 

مرات بطبخ قبل بيوم و مرات ما بلحق . بفوت وانا بأواعيه عالمطبخ و ببلش طبخ . و بعدها بشوف طلبات البنات و تنظيف البيت . 

وانا ما الي اي وقت . المشكلة كل هالشغل و لما يجيني حدا بيقلك هاي طول نهارها قاعدة . دائما البيت مكركب. شغلة ثانية امهات البنات كيف بتحافظوا ع نظافتهم طول الوقت .

مستحيل يضلوا نظاف . تعبوني والله زهقت. و كيف اعودهم يعملوا لو أمور بسيطة لحالهم . معلش كتابتي زي الخواطر اقسم بالله بطلت اجمع .

حتى صاير عندي حالة نفسية بطلت احب اشوف حدا ولا حدا يجيني لاني حتى حكي بطلت اعرف احكي ولا افتح مواضيع من قلة النوم و كثر التعب. زوجي بتأخر كثير عشان هيك مساعدته محدودة الي و الله يعينه.