جفرا نيوز- "انا بنت عمري 26 سنة

ما بطلع باب البيت ابدا، يمكن مرة بالشهر و مع أهلي، وما عندي صاحبات، وأهلي ما بخلوني أتعرف ع أي حدا ، و الفيس تاعي عامليته بالسر ، حتى امي متطاوشة مع ناس كثيرة و تقريبا ما حدا بدخل بيتنا غير خوالي

مشكلتي انه عنجد خايفة اعنس، ما في أي حدا تقدملي لحد هلأ

الله يعلم بحالتي انا نفسي اطلع من بيت أهلي اشوف الدنيا ، و عارفة ما حدا رح يتقدملي لأنه ما حدا بشوفني ولا حدا بعرفني كأني مو موجودة بهاي الحياة، و لسا انا داخلة على 27 سنة وما حدا تقدملي ، انا مش ملكة جمال ولا بشعة، انا شكلي حلو و متدينه و متعلمة

بعرف الزواج قسمة و نصيب، ومؤمنه بقضاء الله، بس بطل عندي أمل اشوف حالي عروس وافرح زي باقي هالبنات بسبب أهلي"