جفرا نيوز- مرحبا انا عمري 17 سنة عايشة مع جدو وجدة اهلها لماما برا الاردن ومن زماان .. ماما توفت قبل اربع سنين بسبب الكانسر

بشهر 8 هاي السنة دخلت على غرفة ماما وبلشت نبش باغراضها ولقيت بدرج خزانتها اوراق قانونية قديييمة وكانت قضية هتك عرض الجاني هو بابا ع.س.م يلي مفكرته ميت بحادث سيارة من زمان والضحية ماما .. قصة الاغتصاب وحمل ماما فيني اجبرها تتزوجه للزفت وبعدين طلقها ولا سأل عنها ولا عن بنتو .. قدرت الاقي صفحته على الفيسبوك وتأكدت مية بالمية انه هو لانو كان ناشر صورة تكريم اله وقرأت اسمه الرباعي وهو نفسه يلي موجود بالورق ونفس مكان السكن وتاريخ الميلاد وكلشي .. هو متزوج وعنده اولاد وحارق كل الدنيا فيهم وكأنو ما حدا عندو اولاد الا هو ..

ان شالله السنة الجاي بس يطلعلي قبول الجامعة بالاردن .. رح اروح عليه واحكيله كل اشي واتف بنص وجهه لانو احقر بني ادم .. مرتاح وعايش حياته وما بيعرف قديش انا مكسورة ومقهورة وكيف كنت غبية وعايشة بكذبة لاااا والاغبى من هيك وانا صغيرة بسألها لماما اذا هي مشتاقة اله .. واهم اشي انه وجودي وحمل ماما فيني كان اكبر غلطة.