جفرا نيوز- اتزوجت زواج تقليدي... كان إنسان تافه كثير.. وبلا شخصية شخصيته عدم.. كان ماعنده القدرة على فتح مواضيع نهائيا ولا حتى كان قادر على تحمل المسؤولية ولا بحب الناس ولابحترمهم تركيبة عجيبة كان معدوم الشخصية بين أهله.. حتى كانت مشاعرة غريبة... كل شي غريب... عكس شخصيتي تماما أولا أنا واضحة... متكلمة لدرجة الثرثرة المحببة.. بحب الناس كثيييير... بحب الضحك وكل شي بيرضيني مهما كان صغير.. من أول ما ارتبطنا حاولت أغيره عبث حتى بعد الزواج ع العكس صار يتهمني بصغر العقل... تركنا قبل ٦ سنين... ما استمر زواجنا إلا شهرين بس.. وشاء القدر أكون حامل بابني.. هلأ عمره ٥ سنين مالي علي دنيتي... نصيحة لكل بنت ماتثقي إنه الاختلاف حلو... أبدا ولا تثقي إنه ممكن يتغير إلا إذا كنتي تسسس... لا تكوني إلا مع حد بيستاهلك وبقدرك وبصون مشاعرك.. الكل كان يلومني إنه ما صبرت والله العالم شهرين اشبعت فيهم ضرب وإهانة... بس لما كبر ابني وشافوا تعامله مع ابنه شكروني ع صبري بهالشهرين...