جفرا نيوز- رح احكي قصتي بالمختصر لانه احترت وحابه اسمع ارائكم اصحاب التجارب ..انا بنت خاطبه الي ٣ اشهر هلا في اختلافات كبيره بينا....وفي بعض المشاكل بواجها معه ممكن تكون صغيره والبعض يعتبرها تافهة لكن هاي حياه طويله لا يوم ولا يومين مثلا ما بهتم بمظهروا لا لبسوا ولا شعره ولا لحيته كله مهمل بنسبه ٩٠% ...مجاملات نهائي ما في ...يعني مثلا جاب اشي معه وهو جاي عندي بحكيله يسلموا غلبت حالك بحرجني قدام اهلي وبحكيلي انتي طلبتي مو انا جبتهم ...ما بقدر احكي انه بخيل لانه لسه ما وصل هالمرحله لكن جدا محافظ عفلوسه يعني اي موضوع بنفتح لازم ينقاس عالفلوس وهاي اكبر مشكله مخوفيتني انه لقدام تصير هالشغله بخل مثلا اي مشوار بدنا نطلعه بنزينه بده يكون محسوب هالدعسه ...لحد هسا ما طلعنا مع بعض لا عسوق ولا عمطعم ومره لمحلي انه اي حد بده يطلع معي( بحيث انه احنا عيله محافظه وما بطلع لحالي معه) بده ينجبر يدفع عن شخص ثالث ..... بدي اسمع اراء الخاطبين او المتزوجين او اصحاب الخبره هالاشي طبيعي ويحتمل او انه ممكن يتغير للاحسن ولا صعب وممكن يتغير للاسوء ...الي فتره بفكر اني افصل مشاعري عن قرارات مصيريه وافسخ الخطبه ونطلع بالمعروف احسن ما نطلع بمشاكل اكبر يا ريت تفيدوني