جفرا نيوز- انا حاب احكي عن موضوع بصير معي كثير وكل يوم ومش قادر اقرر انه شعور طبيعي ولا هو حالة غير طبيعية يلزمها متابعة من طبيب مختص

انا من الناس الي بيقعد بالبيت لفترات طويلة طويلة كثير أحيانا بمر شهرين ثلاثة بدون الخروج من البيت (نهائيا) و بعدها بطلع مشوار هيك صغير شمة هوا ع الماشي ما فيها ٤٥ دقيقة اذا مش اقل و السبب انه انا وأهلي ساكنين بمنطقة بعيدة و بعيدين عن اهلنا وقرايبنا فاغلب المناسبات (اعياد، حفلات، زواج، عزايم رمضان) ما بنحضرها نهائيا و كل هاي المناسبات بنعملها لحالنا بالبيت بدون ما يشاركنا حدا يعني باختصار حجر كورونا مش فارق عنا كثير كل حياتي هيك ما في فرق

انا بضل كثير  افكر أكثر من الطبيعي يعني بس بدي انام ٦ ساعات بيطلع علي الصبح وانا مش نايم عشر دقايق بضل افكر بالماضي والمستقبل و ليش هيك عملت وليش هيك ما عملت و بصير اجيب سيناريوهات واتخيل أنهم صاروا حتى وصلت في اخترع شخصيات اعيش معهم حياتي الي بتمناها بالواقع وما بحصل عليها وهيك بخلص الليل وانا مش نايم ما عندي صحاب ع الواقع عندي معارف بس مش صحاب ولهيك ما بطلع مشاوير مع حدا وهاذ الاشي خلاني ما اعرف اتعامل مع حدا بالواقع بعرفش اتصرف مع حدا بصير اعمل أشياء سخيفة ما بكون منتبه انها بتنّفر الي قدامي و لهيك اغلب الوقت بقرر انه ما اصاحب حدا اصلا عشان ما انحرج من حالي وهاذ الاشي خلاني افقد ثقتي بحالي بصورة ما بتتخيولها اي اشي تافه كل الناس الاقل مني بيقدروا يعملوه بحكي لحالي لا بقدرش او ما بستاهله وهيك أحيانا بصير ابكي من الضغط شو الحل و شو اعمل انا صار عمري ٢٠ سنة وبحس ما عندي خبرة بالحياة لو حدا يعزمني ع مطعم يمكن ما اعرف اكل واحكي معه لاني مو معود

هل هاي حالة طبيعية ولا اشوف دكتور ورجاء ما حدا يتمسخر لانه بطلب مساعدة ضرورية يمكن مسخرتك تزيد وضعي للاسوء انا عديت للمليون قبل ما اكتب بس تعبت من فرط التفكير