جفرا نيوز- انا بنت خاطبه من 4 شهور واذا بدي احكي عن خطبه وشعور خطبه يمكن ما عشت غير اسبوعين بعرف الحكي طويل بس حاولو ساعدوني لو سمحتو 

خطيبي بدقر على اتفه الاشياء وكتير بشك بحجه انو هاي غيره دائما كل قصصه فيس واتس ومسنجر بس يشوفني اون مستحيل يرتاح بضل يرن وبضل ٣ او ٤ ساعات بالمكالمه الوحده لاحكيله خلص بدي انام بحكيلي لعاد لا تفتحي فيس ونامي

بده كل حياتي تكون اله حتى اهلي بطلت اقعد معهم بسببه وصارت مشاكل كتير بينا ولكتير اسباب وتوصل مرات لحتى نترك واهلي كلهم معي بكونو بس وقتها هو بصير يعيط ويصير يترجى انو لا انا بحبك وبدي ياكي وقتها حتى اهلي بقلبو علي وبحطو الحق علي باي طريقه اهلي صارو يشوفو انو انا ظالمه وحقوده وهو مظلوم بحجه ما في حدا بعيط على بنت بالاخر بنجبر اسكت وبعد اسبوع برجع لنفس قصصه وبرجع يعذبني ..

طبعا اول الخطبه ما جبت غير دبله بحكم انو الدهب غالي وقبل كم يوم طلبت منه انو بدي البس متلي متل اي بنت خاطبه حكا ما بجيب غير قطع خفيفه لانه ما معه ولا قرش واهله يلي رح يجيبو الدهب وهو معتمد على اهله بكل موضوع الزواج فرحت دفعت مني مبلغ منيح بس لاجيب دهب احكي والله انو انا بس خاطبه

بطل الي حدا اشكيله همومي حتى امي وصلت تضربني وتدعي علي بسببه وصلت تحكي لكل العالم عني الشاطر يلي بده يعطيني نصائح وصارت سيرتي عكل لسان بس احكيلها ما بدي ياه تصير تصرخ وتحكي اصلا هو بستحق وحده احسن منك والله لاروح عليه واحكيلي اتركها والله ما بتستحقها ولامشي معك بخطبه جديده وانقطك كمان صارت تحسسني انو انا بنت شوارع بالرغم انو الكل بشهد بادبي واخلاقي

صرت اسمعه حكي وهو قاعد صحيح انضرب من امي بعدها بس عادي وما اهتم فيه صرت اكرهه صرت اتمنى اموت انا او هو ليرتاح قلبي وبالرغم من هاد هو بضل يدقر ويحكي بدي البنت مش عارفه هو حب او دقاره بس مره تهاوشنا وعصب وحكالي بلسانه ما دام انتي وافقتي علي ما بطلعلك تحتجي على شي ولو شو ما عملتي انا ما رح اتركك وضلي داقري ونكدي قد ما بدك وعادي اهلك كلهم معي

بس اسمع اي حدا بحكي عن وقت زواجي او بخططو لشي بعد زواجي بحس حالي رح افقع ....

مشان الله ادعولي وانصحوني شو اعمل واحكولو اذا معي حق لاكرهه او لا او انو انا ظالميته متل ما بحكو اهلي ومعقول يتغير حسب ما بحكو الناس ويبطل يدقر على كل شي