جفرا نيوز- انا شب عمري 27 سنة. من وانا صغير وانا رياضي و بحب الحركة , كنت شجاع جدا وادافع عن كل الاولاد ايام المدرسة , لحد ما رحلنا عمنطقة كان يغلب عليها الطابع العشائري , مرة ضربت واحد وبعد ساعة اجوني 30 واحد والكثرة تغلب الشجاعة . 

من يومها وانا بخاف امشي بالشارع , بخاف اتطلع بعيون حدا من المنطقة او برا المنطقة , صرت افضل اقعد لحالي و اختصر الكل , لانه انا لحالي واذا عملت مشكلة ما في حد يوقف معي , لدرجة اني صرت احس الموضوع مثل الكابوس , انسحبت من علاقات عاطفية كثيرة جدا , لانه صورتي مخدوشة بالنسبة الي , صرت اميل للعزلة والانطوائية واكره اشوف الناس واحتك فيهم , بحس كل حد بتطلع علي رح يأذيني , جربت اجيب سلاح واخليه معي بس بعديها فكرت انو لو استخدمت السلاح حتكون العوافب علي خصوصا اني لحالي وما الي حدا و القانون ما بيفهم الظروف . علما انو المشكلة اللي ذكرتها صارت من تقريبا 11 سنة , بس لليوم عايش بخوف وانكسار ومش عارف شو اعمل لاني مليت من كل اشي حتى الاصوات العالية بتضايق منها كتير , انصحوني شو اعمل