جفرا نيوز- 

انا بنت عمري ٢٦ سنة قبل ٥ سنين حبيت شخص حب فوق الخيال وهوا اكبر مني ب ٨ سنين،

تعرفنا عبعض بالشغل وهوا كمان حبني اصلا هوا اللي علقني فيه، المهم كان وقتها عمري ٢١ سنة يعني لسا بنت صغيرة ومش حاطة ببالي موضوع الزواج والمسؤوليات وهوا كان جدي معي لدرجة بعد حوالي ٥ شهور قلي بدي اعرفك عإمي وانا قلتلو اني هلا مش مستعدة، المهم اجت فترة صارت معو مشاكل للسما مع اخو عشان اقامتو وامو بدها ترجع عالاردن ووفاة ابو ومليون قصة ، راح فصل فجأة وبطل يحكي معي ولا يرد علي وانا من النوع الي ما بذل حالي قلت خلي عراحتو ليروق بحكي معي. مرت الايام والسنين واحنا كل فترة بنرجع بنحكي وبحكيلي قديش هوا ندمان وانو بدو اياني وعند اول مشكلة بسيبني، أنا قررت ابدأ حياتي من جديد وانو خلص اشوف نصيبي . كل ما اتعرف عشخص ويكون منيح (أولها) اقول منيح اني نسيت هداك الشب وعند أول مشكلة عالسريع برجع لبالي هداك الشب وبصير اقارن ولاني فعلا بحياتي ما شفت حد احسن منو وبصير بدي احكي معو. الموضوع صرلو خمس سنين وانا مش قاردة انساه، هل يا ترى انا لسا بحبو ؟ ورح اظلم الشخص اللي معي؟ ولا ليش عند اول مشكلة بتذكرو؟ ياريت تفيدوني