اخذت زوجي عن حب ، وعلى الرغم من اني لساتني بحبه ، الا انو بنفطر وبنتغدى وبنتعشى على مشكلة .

النهفة الجديدة الي طلع بيها زوجي ، انو بدو يتزوج ، وفكرته بالاول بتخوث ، لكنه كررها الي اكثر من مرة ، وبالاخير قلي يا بتدوريلي على بنت تجوزيني ايها وبعطيكي مصاري ، يا بدور انا على بنت على طريقتي ، واذا مش عاجبك فاعتبري حالك طالق .
انا قتلو اني انا بدورك على بنت ، وصرت اخذ المصاري واصرفهم على البيت بين اكل وثياب للولاد والعاب الهم وجبتلهم غرفة نوم جديدة ، لانه هو شوي ايده ماسكة وكان دايما يعترض ، وصرت شايفله اكثر من بنت بس طبعا اكون متأكد انها مش راح تعجبه .
بدا الموضوع يذايقني كثير ، وصرت احس انو الي بعمله اهانة لكرامتي ، وصرت اشك في انه الي بعمله حرام ، لانه بصرف كل المصاري الي بعطيني اياهم وما بوفر منهم اي شي .
فدلوني شو اعمل وكيف اتصرف ، علما اني بحب زوجي كثير على الرغم من كل الخصال السيئة الي فيه وما بدي اخسره .