حجاوي .. مديرا للمخابرات النمساوية إحالات الى التقاعد بين موظفي الدولة - أسماء نحو 21 ألف جرعة ضد فيروس كورونا أُعطيت الخميس الحواتمة: نسعى لبناء منظومة إعلامية أمنية ومد جسور الثقة مع المواطنين 12 وفاة بكورونا.. 518 مصابا في المستشفيات والعاصمة تتصدر مجموع الاصابات - تفاصيل إرادة ملكية بتعيين 30 قاضيا - أسماء الكسبي: نحتاج إلى عناصر بشرية مؤهلة ومدربة العيسوي ينقل تعازي الملك إلى البطوش والشمايلة ضبط اعتداءين على المياه في الأغوار والجيزة معركة نقابة الصحفيين تدخل مرحلة الحسم "وجفرا "تنشر ابرز اسماء المرشحين وزير البيئة يزور محافظة مأدبا ويعد بالتنسيق لانشاء سد لخدمة الزراعة فتح موسم الصيد الخريفي في الأردن العمل والمعونة يطلقان برنامج لتأمين فرص عمل لفقراء الصندوق حجاوي: من يشعر بأعراض مختلفة عن الإنفلونزا والحساسية عليه إجراء فحص (PCR) الحكومة ومن خلال الاستاذ طه المغاريز امين عام سجل الجمعيات تنجح في ايجاد توافقات متعددة حول مضامين قانون الجمعيات الرواشدة : ربط كهربائي مع فلسطين "محافظة القدس" والعراق ومصر والخليج العربي العام القادم "صلح عمان" تستمع لآخر شاهد نيابة في قضية مستشفى السلط الخرابشة عن اختيار الوزراء: رافق السبع لو أكلك مصر: الأردن وفرّ مخيمات للمصريين بالعقبة مدير مستشفى الملكة رانيا العبدالله يستقيل "تجنباً لتحمل الخطأ "
شريط الأخبار

الرئيسية / قضايا و آراء
الأحد-2021-07-25 06:01 pm

خليل وإلا مش خليل !!

خليل وإلا مش خليل !!

جفرا نيوز- بقلم: الدكتور محمد أبوعمارة
اصطحبت ابن اختي سفيان لذلك المطعم الذي طالما طلب مني الذهاب إليه ليتناول طبقاً غريبًا يقدمه هذا المطعم، وبعد الإلحاح الشديد علي وخاصة أنه ضيف قادم من السفر اصطحبته وذهبنا سوياً في ذلك المشوار وما أن دخلنا إلى المطعم وهو يحدثني عن قطر التي يعيش فيها وعن كأس العالم وكم هو متشوق لحضور المباريات وإذ به يصرخ فجأة...
-خال، خال،
-نعم سفيان...
-أتطلع هناك
-شو في هناك
-مش هظاك خليل صاحب خالي أحمد!!
-أي واحد؟!
-يا خال هذاك الشب اللي قاعد مع البنت الفايعة اللي شعرها أشقر
-لا، لا مش هو!!
-لا والله هو، الله يخزيك يا خليل وعاملي حالك شيخ وطول وقتك تنظر علينا!! تفوو على هيك اشكال!!
-ولك استحي على حالك، مش هو بلكي تكون مرته أو أخته!!
-لا هو وهاي لا هي مرته ولا أخته أنا لما كنت أروح مع خالي أحمد عندهم شفتهم كلهم وهاي مش منهم!! له له يا صايع وعامل حالك علينا شيخ !!
-ولك استحي يا سفيان، إن بعض الظن....
-لا والله أنا متأكد منه هالواطي الخاين تبع النسوان لأ واللي قاهرني طول وقته ينظر علينا وعامل فيها شريف مكه!!ومقضيها نصائح النا إياكم ثم إياكم من النسوان و،،،
-ولك بلاش قلة أدب وأنا متأكد إنه مش خليل!!
-يا خال بحلف على المصحف إنه خليل، أقولك "هسه" رح أصوره وأبعث صورته لخالي أحمد لحتى أفضحه!!
-بلاش يمسكك ويرفع عليك قضية شرف ويحبسك!!
-لأ والله إلا أصوره وأفضحه هالواطي!!
لأ وعامل فيها رومانسي وقاعد بيسبل بعيونه ربي يخزيك يا شايب!!
-ولك بلاش قله حيا يخرب بيتك نزعتلنا الطلعة بلا جيب "المنيو" وأطلب الأكل خلينا نخلص من هالمصيبة هاي...
-مستحيل، قبل ما أفضحه لخليل، خال لو سمحت وقف هون أعطيني ظهرك أيوا... هيك ممتاز كمان شوي ريح لهون أيوا
هيني صورته ست صور، و"هسه" رح ابعتها لخالي أحمد خليه يعرف صحابه..لا وخالي أحمد طول وقته يحكي عن أخلاق خليل
وبعد دقيقة يرن أحمد...
-سفيان مين هاي المزة وله صاير تبع نسوان وهامل
-انا تبع النسوان ولا صاحبك
-صاحبي!! مين صاحبي؟!
-اللي قاعد معها
-اللي قاعد معها مش صاحبي!!
-بس بلاش بدك تستر عليه مش هذا خليل صاحبك؟؟؟
-لأ ولك يا غبي... خليل هيو معي خود احكي معه..
-نعم معك، جد
-آه والله انا وياه طالعين سوا
-طيب ومين هاظ اللي قاعد مع المزة الفايعة..
-روح إسأله يا واطي يا بصباص ولك صاير قليل حيا وسافل ؟ عارف بدي أروح أحكي لإمك وأبوك .
-لا يا خال أرجوك استر علي خلص "هسه" بروح بعتذر للزلمه عن سوء ظني فيه...
-ما بكفي!!
-طيب شو أعمل يعني!!
-أبوس ايده ولا ابوس راسه ولا أبوس المزه اللي معاه !
- شايف إنك صاير قليل حيا
-له انا آسف والله طيب شو أعمل لحتى أرضيك؟
-روح إدفع فاتورة الغدا عن الدكتور ..
-وااال مش لهدرجة!!
-بحكي لإمك..
-لا خلص طبعاً أنا اللي بدفع
-طيب أعطيني الدكتور
- ضروري ؟
-آه يا زنخ
أمسكت التيلفون وإذ بأحمد يطلب مني أن لا أدفع الفاتورة وهو سيخبرني بالسبب لاحقًا
-ها شو حكالك أحمد خالي
ولا إشي ، بس نسيت أسأله عن صاحبه وصاحبة صاحبه خليل صحيح هو طلع هاد الشب نفس خليل ؟
-آه طلع هو بس حكالي استر عليه لأنه القصة طويلة، وفيها تفرعات مهو خليل طلع قصة يا خال إيه أتاري الناس مخبيه بقشورها !!خال شو رأيك نطلع من هون... المطعم مش حلو وأسعاره غاليه
-وعلى الحساب ما إنت جاي من قطر ونفسك تاكل فيه!!
-لا والله يا خال انسدت نفسي وجاي على بالي آكل بمطعم هاشم وأعزمك أنا
-طيب ليش ما تعزمني هون ؟
-تشائمت من المكان
-طب أقعد واطلب اللي بدك ياه انا رح ادفع ما تقلق
-لا والله يا خال الموضوع مو الفاتورة بس يلا يا متر لو سمحت المنيو
وتركت سفيان ينتقي ما يشاء من المأكولات والسعادة تملأ وجهه.