جفرا نيوز- انا بنت انفصلت عن جوزي بسبب امه الله يهديها

انانيه وبدهاش يعاملني منيح

والله حاولت لكل الطرق اكسبها مشان الحياة تمشي ما بدها وانا تاني وحده بطلقني بسبب امه

ادا نام عندي بغرفتي كانت تحرد اتخيلو بنام عندها بالغرفه

ولا تحكولي من باب البر هي هدفها الهجران

هو من جواته عارف انو خسر بيته للمرة تانيه

بتعرفو مرته الاولى عمتها حكتلي والله لما بنت اخوي تسمع سيرتها بتصير تعيط قد مهو بيرد على امه

انا مش ضد بالعكس الله بيسر امرنا

بس هي عندها عقده من الزلام وهاجره حماي

وانو ليش ولادها يعاملو نسوانهم منيح

سلفتي قوية اخدت جوزها وهربت فيه على بلد تاني لانو سلفي طلقها مرة عشان امه

وحكت لحالها ادا بضل عندها راح الحق سلفتي التانيه

يعني كل همها كيف تخرب بيت ولادها والله ما بظلمها

بتعرفو ادا بضحك بوجهي كانت ما تنام الا لتصير مدبحه

طبعا هي عايشه معي بنفس البيت

ممنوع يقعد جنبي

وادا حكيتو يراعي مشاعرها

مهو بنام عندها من بعد ٢ شهر زواج

حتى ابنه ضلت تحكيلو مدام في نسوان بالدنيا لا تتعلق بولد

يعني انو خافت ادا حب ابنه يتعلق فيني

ما كان يتفرج على ابنه ولهسه ما بعرفه

ابني بضل ماشي بالبيت عمره سنتين

ماسك تلفون وبحكي يا بابا

قلبي محروق وانا جوزي منيح مع انو كان قاسي معي

كتير

بس بدّي الدعاء الي من صبايا انو يُحنن قلبه ونرجع

هو بصراحه قبل سنه طلب نرجع واهلي رفضو لانو حماتي قوية حكولو بيت لحالها

جنبك غرفه وحمام اما في بيت واحد لا

لانو والله كنت ما انام من وجع ضهري تخليني اعزل البيت كل يوم

وتصير تطبخ اكتر من مرة عشان اضل اجي

ورغم هيك كنت احكي معلش ولا خراب البيت

بس ما قدرت اتحمل صرت ازحف وصحتي صارت بالارض

وهو صار يضربني بسببها قال عشان يخليها تحزن

يعني هو عارف امه

وهو حاكي لقريبهم انو انا برفض افتح بيت تاني بلكن امي حكت لحالها ارجع لجوزي واترك ابني يعيش

احنا عايشين ب قطر يعني غربه وفوق الغربه عيشه كلها نكد

ادعولي ارجع انا وجوزي ونعيش انا وياه وابني

وهي الله يهديها ادا مش عشاني عشان ابني