جفرا نيوز- السلام عليكم ورحمة الله وبركاته انا طالب طب بشري سنة سادسة اخر سنة لي في كلية الطب (سنة التخرج من بداية طلعتي على الدنيا وانا انسان شغوف ودائما متميز بالمدرسة او بالجامعة من لما دخلت كلية الطب من ست سنوات وانا ممثل دفعتي لحتى اليوم ودائما كان تحصيلي الاكاديمي اعلى الطلاب وعلاقاتي الاجتماعية واسعة وبحب اساعد الناس بواقع مهنتي الانسانية البحتة عمري ما سببت الاذى لإنسان بحياتي ما أذيت حدا بالعكس انا انسان بحب الناس والناس بحبوني انا عمري ما صابني اليأس مثل اليوم دائما اذا حسيت اني بعمل اشي غلط بعكسه بإشي مفيد انا انسان اواضب على حفظ القرأن الكريم وحافظ ١١ جزء من كتاب الله وبفكر بعد التخرج بحفظه كاملا انا عمري ما ثقتي بنفسي اهتزت مثل اليوم طول عمري بطلع لقائات ومبادرات وندوات بس اليوم وبهاي الفترة نفسيتي صفر ولحد وصل معي اترك حلمي وواقف الطريق لهون وما اتخرج! فقدان الامل والاحباط الي انا فيه الله بعلم فيه بس من بعد ما إطلعت انا واصحابي الدكاتره نغير جو على مطعم بحكم انه واجهنا ضغوطات بفترة كورونا وعلى محض الصدفه واحد من اصحابي بلش يحكي ليش ما نفحص (عقم وفعلا من ثاني يوم اتوجهنا للمستشفى وطلعت نتائج التحليل وكانت النتيجة اني (عقيم بحكم اني دكتور وحكيت مع الدكتور المختص هل انه في أمل حكالي كلمة هذا قدر الله وللاسف ما في اي فرصة للعلاج ما استسلمت وراجعت عند اكثر من دكتور وللاسف نفس النتيجة ! بلست احس بالنقص الي عندي الي كان مخبأ فييه ما استسلمت وحجزت موعد بمركز عقم خاص وهون اتحطمت واتقبلت حقيقتي اني عقيم وبلشت معنواياتي تنزل اول باول لحد اليوم الي اعترفت فيه لحبيبتي اني عقيم وكان الرد صادم رفضتني!!!! بعد ٣ سنوات حب بكلية الطب وكنا متأملين نكمل حياتنا سوا ونكون سند لبعض كله صار من الماضي وهون ثقتي بنفسي راحت وهذا غير انه امي بدها اتجوزني بعد ما اتخرج ومحضريتلي عروس وانا فكرة الزواج مستحيل ترجع ابدا! بعد الي صار معي بمجرد انه اجلس مع عيلتي واخواني واخواتي وهمه متزوجين وعندهم اولاد وبنات وانا ليش يا ربي ما عندي واحساسي بالنقص الف الف على الرغم انه شفت حالات كثير مثلي وكنت اعتبرها مشكله مثل اي المشاكل الا لحتى صارت معي فكرت احجز موعد عند دكتور نفسي بس للاسف دكتور بهيبتي كيف بده يحكي لدكتور ثاني عن حالتي !!!! وانا فعليا مش قادر اكمل حياتي وكل الاشياء الي كنت حاب اعملها بعد التخرج بطل الها قيمة حتى وانا بكتب حاليا وببعث لموقعكم ما عندي اهمية انكم تقرأوها لانه ما عمري شكيت همي لحدا وطول عمري انسان قوي ، بس لانه دائما بشكي ل الله واليوم كتبت قصتي بس فضفضه لانه انقطع الامل من حياتي وشكرا