جفرا نيوز -
علق الفنان الكبير محمود حميدة على تكريمه في مهرجان الجونة السينمائي الدولي بدورته السابعة، حيث أشاد في كلمته على هامش تكريمه بالكلمة التي ألقتها المخرجة إيناس الدغيدي، أثناء تقديم فقرة تكريمه ومنحه جائزة الإنجاز الإبداعي، كاشفاً عن الحلم الذي حلم به وتحقق في الجونة.
قالت الدغيدي: "يشرفني أقدم نجم من طراز خاص عزيز قوي على قلوبنا، مبدع وصاحب مسيرة حافلة بالإنجازات، هو نجم ساطع في مجال الفن، مختلف ومتلون صادق، يحمل بداخله شخصية فنان كبير وقلب طفل صغير الفنان محمود حميدة".
وعلق حميدة قائلاً: "لازم أشكر إيناس الدغيدي على الكلمة دي، أحسست أنها صادرة من القلب، رجعتني مدة في الزمن، تعاونا مع بعض طبعًا، وكل همنا كان بيبقى في الشغل، وساعات مش بنركز إزاي الآخرين شايفنا، اللي هما بيتعاونوا معانا في نفس العمل".
تابع: "الكلمة دي وضحت لي حاجات كتير جدًا إزاي كنا متفاهمين، رغم إنه كان بيحصل ساعات خناقات بس صافي يا لبن بعد العمل".
أضاف: "النهارده السعادة مضاعفة بشكل كبير جدًّا، خصوصًا إن في حاجة شخصية لازم أقولها في اليوم دا، كان عندي حلم كبير بس معرفتش أحققه، كنت عايز أعمل مدينة يقام عليها كل المهرجانات الفنية، مش سينما بس، لكن معرفتش أعمله".
واستكمل حميدة كلمته قائلاً: "الحلم دا حققه نجيب ساويرس وسميح ساويرس، وفرحت جدًا لما سمعت إن فيه مهرجان هيعملوه على البحر الأحمر"، متابعًا: "واليوم سعادتي مضاعفة لوجودي وتكريمي من مهرجان الجونة السينمائي، وأتمنى ميقفش أبدًا إن شاء الله".
النسخة الكاملة
