جفرا نيوز -
وجهت الإعلامية مفيدة شيحة خلال تقديمها برنامجها "الستات" المذاع على شاشة النهار، رسالة حادة للفنانة سلمى أبو ضيف بعد أن أثارت الجدل بصورها في أسبوع الموضة بباريس التي كشفت فيها عن بطنها الحامل.
قالت مفيدة: "يا سلمى يا بنوتة يا صغيرة، أنا بشوف إن أنت أخفقت في اختيارك للصورة دي في مجتمعك العربي. المجتمع الغربي يحترم الصور اللي زي دي مقارنة بريانا وبيونسيه، كلهم اتصوروا عراة لأنها ثقافتهم. إحنا في مجتمعنا العربي بنرفضها".
أضافت: "أنت قمر ولبسك يجنن لكن المرأة الحامل لا تظهر بطنها. لما ببقى حامل بلبس فستان حلو، أبين حملي بشكل مختلف. لكن أظهر ببطني في التصوير؟ دي صورة تليق بالمجتمع الغربي ولا تليق بالمجتمع العربي. لازم تبقي عارفة طالما مسكتي العالم من النص، لازم تبقي عارفة إيه يليق بالمجتمع الغربي وإيه يليق بالشرقي".
وعن اتخاذ سلمى إجراءً قانونيًا ضد المتنمرين قالت مفيدة: "أنا معترضة على مقاضاتك أي من الناس اللي تنمروا بيكي. دي وجهة نظري وليكي حق تاخديها أو متاخديهاش. إنتي فنانة كبيرة وشغلك الأساسي في الوطن العربي. لما قررتي تنزلي الصورة، ممكن تكوني مخدتيش بالك إن ممكن يكون في اختلاف ثقافات وشايفة إنك زي الفنانين اللي برة. كان لازم تحطي في بالك إن في ناس هيقولولك إيه اللي أنت عاملاه ده؟"
وأنهت مفيدة شيحة رسالتها: "الفكرة في إن إنتي فنانة كبيرة وشخص ناضج وثقافتك برا وجوا فلازم تسيبيها. أنت حطيتي كمان صورة أثارت الجدل لكتير من المعوقين ذهنيًا وثقافيًا إن هما يفهموا إن كونك فنانة في المكان ده فطبيعي تعملي صور زي كده. لكل مقام مقال يا حبيبة قلبي. أنت هنا في الوطن العربي فاحترميه. أنا مينفعش النهاردة أطلع عريانة وأبقى لابسة شفاف أو أعمل جلسة تصوير بشكل سريع الناس مش هتتقبل دة. ليه؟ إحنا مجتمعنا كده، أعمل ايه؟ أخترع مجتمع تاني؟ لازم تتقبلي إن في ناس هيعترضوا وناس لا".
كانت سلمى أبو ضيف قد هاجمت التعليقات السلبية على صورتها بالحمل وقالت في بيان لها: "إن السخرية من حجم بطني أمر مثير للاشمئزاز وعمل من أعمال التنمر، لقد شعرت بالخجل من جسدي طوال الوقت بسبب مدى نحافتي، والآن أواجه التنمر بسبب حجم بطني! وأتلقى رسائل تطلب مني التوقف عن إظهار بطني".
أضافت: "أعتقد أن حملي لا ينبغي أن يمنعني من العمل. ولا أعتقد أنني يجب أن أخفي حملي لأنه يؤذي بصرك! ببساطة لا تنظر إلى صورتي لأنني أحب حملي وسوف أتقبله حتى النهاية".
تابعت: "لقد كنت دائمًا صامتة منذ أن بدأت مسيرتي المهنية حول كيفية تعامل الناس معي بقسوة، والشيء المضحك أنهم لا يصبحون أكثر لطفاً أو أجمل لكنهم يصبحون أكثر قسوة. وبقدر ما لديهم من الجرأة على التحدث عني بالسوء، لن أتسامح مع أي نوع من ذلك التحرش أو العنف في الكلام تجاهي أو تجاه عائلتي، وسيتم اتخاذ إجراءات قانونية".
النسخة الكاملة
