ريهام سعيد تعتذر من جمهورها بسبب "تيك توك"

كتبت الإعلامية ريهام سعيد على حسابها الخاص بـ"فيسبوك" رسالة اعتذار من جمهورها عن استضافتها لمشاهير "التيك توك" في حلقات برنامجها الأسبوعي. وكتبت قائلة: "أنا مكنتش بدخل على التيك توك ولا أعرف اللي بيحصل فيه."

أضافت: "أنا بعتذر لجمهوري إني استضفت ولو حتى واحد منهم. عتابي للإعداد هيكون شديد".

استطردت ريهام: "إيه الجولات والفيديوهات اللي على التيك توك اللي كلها ألفاظ قذرة وإيحاءات؟ إنتوا مش خايفين تتحبسوا؟ ليه كده؟ ليه بتخلوا شكلنا كده؟".

واختتمت قائلة: "إنتوا 10 وإحنا 130 مليون، إحنا شعب عظيم، عيب عيب أوي كمان".

وكانت ريهام قد أثارت الجدل عندما قامت بحذف كل صورها من صفحتها الشخصية في "إنستغرام"، ووضعت مكانها رسالة وجّهتها إلى طبيب التجميل اللبناني نادر صعب هاجمته فيها.

كتبت ريهام في رسالتها: "نادر صعب إنت دمّرت حياتي ده ولا عشان ميديا ولا قضايا إنت لازم تعيش وإنت فاهم إنك دمّرت حياتي ومستقبلي. أنا مسحت الصور القديمة لأني مش قادره أشوفها وأشوف أد إيه أنت دمّرتني وأد إيه أنا كنت جميلة".

أضافت: "ولا قادرة أشوف صوري الجديدة لأني مشوّهة ومش أنا... قريت تقرير الطب الشرعي؟ قريت إن في خطأ طبّي؟ قريت إني مشوّهة؟ حسبي الله ونِعم الوكيل فيك ربنا ينتقم منك يا رب وأي حد بينصرك عليا. أنا ولا حاسّة إني ست ولا حاسة إني عايزة أعمل حاجة، أنا انتهيت وإنت السبب. قالوا لي ماتمسحيش كل الصور وكل حاجة عشان ها تخسري متابعين، طب أعمل إيه وشّي ضاع هايتابعوا واحدة مشوّهة؟ ليه؟".