جفرا نيوز -
خلال استضافتها في برنامج "ضيفي" الذي يقدمه الإعلامي معتز الدمرداش على "يوتيوب"، أبدت الفنانة إلهام شاهين استغرابها من تأجيل عرض فيلم "الملحد" أكثر من مرة، وهاجمت من تسببوا في تأجيله قائلة: "عملوا للفيلم دعاية بعد ما قالوا إنه توقف عرضه، وهيخلوا الناس كلها عايزة تشوفه".
أضافت النجمة المصرية: "إيه المشكلة في اسم الفيلم الملحد هو مفيش ملحدين في الحياة؟ دي نماذج موجودة ما المانع إننا نلقي الضوء عليها، ونقول إن دول غلط، أنا لما ألقي الضوء على أي حاجة غلط في الحياة بغرض تصحيحها".
تابعت: "أنا مشفتش الفيلم، لكن أعتقد في الآخر لازم الملحد دا هيقتنع إن في إله لهذا الكون وهو اللي بيدير هذا الكون، إنت ممكن تصلح أفكار ناس من خلال العمل".
استكملت إلهام حديثها قائلة: "لما بعمل فيلم عن الإدمان بجيب المدمن بياخد الشمة، وبيبقى مبسوط وبجيبه في آخر الفيلم، واخد جرعة زيادة ومات، أو بجيبه ومش معاه حق المخدرات وهيتجنن، لما جبته في الأول مبسوط هل دا بيشجع الناس، لأ اللي هتستفيده من الفيلم في الآخر".
وأكدت أنها ضد فكرة المنع بشكل عام، مضيفة: "أنا مش مع فكرة منع أي حاجة لا كلام في الدين ولا السياسة، في 3 حاجات الدين والسياسة والجنس هما القلق بتوع الرقابة، لكن إحنا لو مشفناش أفلام مصرية هنشوف أفلام أمريكية بتتكلم عن الإلحاد والجنس والأديان والسياسات، المنع غلط العيال الصغيرة قاعدين طول النهار على تليفونات صغيرة بيتفرجوا على كل الأفلام من كل العالم".
"الملحد" بطولة نخبة من الممثلين منهم: محمود حميدة، حسين فهمي، شيرين رضا، أحمد حاتم ويتناول في إطار درامي قضية التطرف الديني والإلحاد، من خلال قصة الشاب يحيى، الذي يجسد دوره أحمد حاتم، حيث يقرر الإلحاد بعد تمرده على أفكار والده الدينية الذي يؤدي دوره محمود حميدة حيث يظهر بصورة رجل ملتحٍ، ما يفتح الباب لصدام حاد بين الأب وابنه. وصُنِّف الفيلم على أنه للكبار فقط، ويُسمح لمن هم فوق الـ16 فقط بمشاهدته.
النسخة الكاملة
