جفرا نيوز -
جفرا نيوز/ بقلم: شاكر آل خطاب
كانت اعراسنا ٧ أيام وعزايم كلها بالسمن العربي ولحم الغنم
- ايام الفقر ... كنا نعزم عل العرس كل اهل البلد وكل اقارب العريس والعروس واصدقائهم ... وكان الفرح من القلوب مو من الجيوب
- أيام الفقر ...
كانت تلبس العروس اساور وخواتم وجنازير من الذهب
- ايام الفقر ...
صحيح كانت ملابسنا رخيصة بس كرامتنا كانت غالية ومضافتنا مفتوحة للضيف وقهوتنا سخنة وريحتها لراس الحارة
- ايام الفقر ...
كانت جيوبنا فاضية بس عقولنا مليانة ...
- ايام الفقر ...
كان افقر رجل بحارتنا عندو بيت ملك ... بس ما عندو تلفزيون
اليوم كل الناس عندها تلفزيونات ... بس بيوتها بالايجار
- ايام الفقر ...
كنا نعبي الكاز بالبراميل ... وبكل حارة في جرة مي سبيل
- ايام الفقر ...
كنا نجيب السمنة العربية وزيت الزيتون والدبس والجبنة البلدية ... بالتنكة
اليوم ... صرنا عايفين التنكة
- ايام الفقر ...
كانت الرواتب قليلة ... بس الأخلاق كثيرة
الايام هي ... أخذت منا الروح ... وتركت الجسد ... أخذت السعادة ... وتركتلنا الألم
أيام الفقر...... هيه أيام البركة
شو كنا أغنياء لما كنا فقراء.............اه يازمن...
النسخة الكاملة
