كشفت الفنانة زينة، عن مفاجأة جديدة في مشوارها الفني حيث أكدت في لقائها مع برنامج ET بالعربي نيتها خوض تجربة الدراما التركية للمرة الأولى، مشيرة الى أنه عُرض عليها إسكريبت مسلسل، وستظهر في دور سيدة مصرية.

قالت زينة: "اتعرض عليَّ مسلسل تركي، قرأت الإسكريبت لكن مكتوب بشكل مختلف، بيكتبوا 5 حلقات، وبعدين بيكملوا خلال التصوير، ودوري سيدة مصرية، ولسه بشوف إن شاء الله يبقى في حاجات كويسة”.

كانت زينة، قد كشفت خلال لقائها مع الإعلامي الإماراتي أنس بوخش في برنامج ABtalks كواليس ولادة ننجليها التوأم في ولاية كاليفورنيا، مؤكدة أن تلك الفترة من أصعب مراحل حياتها، إذ كانت بمفردها أثناء الولادة وأن نجليها أصيبا بكثير من الأمراض.

وقالت زينة: "أنا شفت حاجة مفيش بني آدمين يقدروا يتجاوزوها، مرحلة إنك تولد لوحدك في الغربة، وولادي كمان كانوا عيانين أوي، كل يوم بنكتشف مرض جديد ليهم، كنت عاوزة أشبع منهم على قد ما أقدر عشان لو جرالهم حاجة”.

وأضافت: "كانوا في المستشفى بيفتكروني مش طبيعية، وجابولي شيخ ودكتورة هندية، كنت بكلمها هي الوحيدة بالعربي عشان كنت بطمنلها وكانت حنينة عليا ومكنتش بتتكلم عربي، جابولي مترجمة.