مظهر غير لائق !!!

جفرا نيوز - جفرا نيوز- مواطن سكان الجوفة بقوم من الفجر ,بصلي بمسجد الحسيني بالبلد, باخد العرباية و بروح على مخبز صلاح الدين بالعبدلي , بشتري كعك عشان يبيعو ويسترزق ومن العبدلي لشارع مكة . عمرو 57 سنة بس اذا شفتوا بتحكي عنو 75 سنة .
(يحسبهم الجاهل اغنياء من التعفف,تعرفهم بسيماهم لا يسئلون الناس الحافا)
امانة عمان تركت كل المصايب و الحرمنة و أخدت عرباية هالمسكين . ليش ؟!! لأنو اجت عليه شكوة من مواطنة صورت هالمسكين و معها سيارة رينج روفر ويمكن لسا بتدرس بالجامعة! يعني بابا بصرف عليها ! و شكت للأمانة انو (مظهر غير لائق بعمان الغربيه )!! مو عارف مين الوم !! الامانة و الا المواطنة المرفهه ! بدي اسأل المواطنة ؟! - يعني بشو كنتي تفكري لما شكيتي عليه ؟ -يعني اذا اشترى سيارة رينج و باع الكعك عليها بكون مظهر لائق ؟! ** سألت هالمواطن شو اسمك ؟ فحكالي ( عايش والحمدلله ) .