جفرا نيوز -
كشف الفنان أحمد زاهر تفاصيل جديدة ومثيرة حول فترة مرضه والتي اضطر خلالها للابتعاد عن الوسط الفني لثلاث سنوات، حيث تحدث عن تفكيره في الانتحار، موضحاً أنه كان النجم الشاب الأول قبل غيابه، ثم عاد ليبدأ مشواره من جديد عقب شفائه من المرض.
وقال أحمد زاهر في ندوة صحافية لتكريمه: "لما رجعت من فترة المرض، رجعت بأدوار صغيرة لا تليق بي ولا بقيمتي ولا حجمي ولا اسمي، ورجعت وبدأت أطلع تاني السلّم".
وأضاف: "أبعدني المرض 3 سنين ورجعت من تحت ومقولتش إزاي وحرام وأنا وأنا، ومشيت في الطريق لغاية لما رجعت، وقت المرض فكّرت أسيب الدنيا مش التمثيل بس، وعدم شغلي كان مموّتني وأنا اللي كنت بعتذر بنفسي لأني مش عايز أظهر بالمنظر ده".
وعن بداية مرضه قال أحمد زاهر: "في بداية المرض طلعت مع عادل إمام في مشهد وكان جسمي بدأ يزيد وزنه، والنقاد طلعوا وقالوا إزاي؟، يعني إيه إزاي؟، ده كان قاسي جداً وضايقني وبعد كده تضخّمت عن الشكل ده مرة، وده مش بإيدي ده من ربنا".
وأضاف: "دي كانت أسوأ فترة في حياتي، ولما رجعت بدأت من البداية، وقبل ما أختفي كنت بطل شاب أول والأدوار بتجيلي الأول واللي اعتذر عنه بيروح لحد تاني، ولما رجعت بدأت أنزل تحت ناس كانت بتقولي يا أستاذ ومزعلتش ومتضايقتش".
يُذكر أن أحمد زاهر حقق نجاحاً كبيراً من خلال آخر أعماله الدرامية "لعبة وقلبت بجد"، والذي شارك في بطولته مع كلٍ من: رحمة أحمد وعمر الشناوي وحجاج عبدالعظيم...، وهو من إخراج حاتم متولي.
النسخة الكاملة
