مي عمر توجّه رسائل الى طاقم عمل "الست موناليزا"

نشرت الفنانة مي عمر عبر حسابها الخاص في "فيسبوك" منشوراً طويلاً كشفت من خلاله عن سعادتها الكبيرة بالنجاح اللافت الذي حققه برومو مسلسلها الجديد "الست موناليزا"، مؤكدةً أن ردود الفعل الإيجابية على البرومو فاقت كل توقعاتها منذ اللحظات الأولى لطرحه.

وقالت مي في منشورها: "الحمد لله رب العالمين النجاح الكبير اللي شفته على برومو مسلسل "الست موناليزا" فاق كل توقعاتي، حقيقي أنا مبسوطة جداً بردود الأفعال الحلوة على برومو المسلسل، وإن شاء الله المسلسل يعجبكم".

وأضافت: "ولأن النجاح بيبقى أجمل لما يتشارك، البوست ده إهداء من قلبي لمجموعة MBC، الداعم الحقيقي والسند اللي عمري ما حسّيت معاهم إني لوحدي. MBC مش بس قناة عرض، دي بيت وشريك نجاح. شكر خاص جداً للأستاذ محمد عبد المتعال، على دعمه الكبير، وثقته المستمرة، وإيمانه الصادق بيا وبكل مشروع بقدّمه".

واختتمت مي عمر منشورها بالقول: "وبالنسبة للأستاذ محمد مصطفى، بجد مش لاقية كلام يوفّي حقه. اهتمامه الحقيقي بكل تفصيلة في مشاريعي، وحرصه الدائم إنها تطلع بالشكل اللي يليق بيا وبالجمهور، مع تفكيره الاستراتيجي ورؤيته الواضحة، مش بس بيخلّوا المشروع ينجح، دي عوامل بتصنع فرق وبصمة حقيقية. وجوده دايماً مصدر أمان وثقة كبيرة ليا، ودعمه قيمة أفتخر بيها جداً".

وقالت مي عن العمل بروح الفريق في مسلسل "الست موناليزا": "ممتنة جداً لفريق شاهد الرائع: أ.طارق الإبراهيمي، أ.آية مدحت، أ.مها كازامل، وأ.رانيا بدر على احترافيتهم، ودعمهم، ومجهودهم اللي دايماً بيبان في النتيجة. روح الفريق عندهم بتخلّي أي مشروع يوصل بأفضل صورة، وشكر كبير لشركة الإنتاج، وللأستاذ حسن العسيري المنتج، على ثقته، وتعبه، وإيمانه بكل مشاريعي من أول لحظة. يا رب دايماً وشّنا يبقى حلو على بعض".

وأضافت: "شكر خاص للأستاذ طارق فهمي والأستاذ محمد عبد الوهاب، على دعمهم، وتعاونهم، ومجهودهم الصادق اللي ما بيتنسيش. كل اسم من دول كان له بصمة حقيقية في الرحلة، وكل نجاح وراه ناس آمنت، واشتغلت، وتعبت. شكراً من القلب… لأن النجاح دايماً بيكون أجمل لما يتشارك".

ويشارك مي عمر في بطولة مسلسل "الست موناليزا" الفنانون: أحمد مجدي، وفاء عامر، شيماء سيف، جوري بكر، سما إبراهيم، سوسن بدر، مريم الجندي، ومحمد محمود.