النسخة الكاملة
ردّت الفنانة إيمي سمير غانم على منتقدي إطلالات الفنانين في المناسبات الفنية، معبّرةً عن استيائها من هذه الانتقادات، وذلك خلال ظهورها الأخير في "مهرجان البحر الأحمر السينمائي الدولي".
وقالت إيمي خلال لقائها في برنامج "ET بالعربي": "بزعل جداً من منتقدي إطلالات الفنانين، لأنهم مش بيبقوا عارفين إن الواحد بيكون فرحان ومجتهد علشان يطلع شكله حلو، بيعصّبوني".
وأضافت: "أنا طول عمرى بلبس أسود، لكن أول ما لبست فوشيا لقيت تعليق بيقول إن اللون مش مناسب خالص، وكمان نفس الشخص بينتقد ياسمين صبرى، مع إنها قمر، ردّي كان حاد شوية بس كنت مضطرة أردّ".
وتابعت إيمي سمير غانم: "أختي دنيا دايماً بتقول لي إزاي تردّي؟، وهي مستحيل تردّ، بس أنا مبعرفش أسكت، أنا إنسانة غصب عني، انتقديني في دور مش عاجبك أو لو حاجة غريبة فعلاً، لكن في النهاية ده فستان".
إيمي سمير غانم: صفحة غير مصرية نشرت شائعة انفصال دنيا ورامي
وعلّقت إيمي سمير غانم على الشائعات التي انتشرت أخيراً حول انفصال شقيقتها الفنانة دنيا سمير غانم عن زوجها الإعلامي رامي رضوان، مؤكدةً أن هذه الشائعات لا أساس لها من الصحة. إذ قالت: "في صفحة مش مصرية نشرت إنهم اتطلّقوا، ونفسي أبعت له رسالة أقول له أنت ليه مصمّم تطلّقهم والراجل قاعد في الليفينغ عادي، يعني رامي قاعد في الريسيبشن بيتفرج على نتفليكس عادي، إنسان طبيعي وهو بيطلّقهم. ربنا يهديهم ومفيش حاجة، الناس بتحب تعمل إشاعات بس إحنا متعوّدين".
