"جفرا نيوز" تنفرد بنشر تفاصيل مكالمة هاتفية خطيرة

جفرا نيوز -
جفرا نيوز - نضال الفراعنة 

نقوم اليوم بـ "تحضير الأرواح" بالاسترسال في "الخيال" حول مكالمة هاتفية "دولية" بين أهم وزراء الحكومات الأردنية على الاطلاق والذين سيدخلون موسوعة غينيتس للارقام القياسية في عدد السفريات الى كافة دول العالم والذين تفوقوا على "ابن بطوطة" وهما وزير الخارجية ناصر جودة "السنجلاوي" ووزير التخطيط جعفر حسان "دندنت" وفيما يلي النص الكامل للمكالمة "الوهمية" بينهما:

ناصر جودة : هاي جوجو .. كيفكن؟!
جعفر حسان : أهلين حبيبي "نونو" .. بنشكر الرب كتير.
ناصر جودة : شو وينك اليوم؟
جعفر حسان : والله عند دار خالي في بلغاريا وبعدها بدي أسافر لطوكيو وقبلها لروما .. وأنت؟
ناصر جودة : أنا هلأ بنيويورك بالفندء "الفندق" باخد "درينك" وبكرا طاير لامستردام وبعدها على لندن.
جعفر حسان : شو أخبار "JORDAN"?
ناصر جودة " والله علمي علمك .. زمان ما زرت "JORDAN" ... بس بيئولوا "بيقولوا" انه في رئيس حكومة جديد .. انسيت شو اسمه!..
جعفر حسان : على ما أظن اسمه "عبدالله نسور" .. بيحكوا أنه شاب كويس كتير وجريء .. مرة شفته على التلفزيون بيحكي عن الاسعار .. عن جد يا "نونو" بيحكوا أنه الاسعار في "JORDAN" نار .. وخاصة "الكورن الفليكس" وو "البيتزاهات" .
ناصر جودة : احنا هون بنيويورك الاسعار عادية .. وزي ما أنت عارف .. منيح انه ما بنروح على "JORDAN" الا بالمناسبات والاعياد الرسمية.
جعفر حسان : شو يا نونو مين تتوقع يكون رئيس الحكومة الاردنية الجديد؟
ناصر جودة : والله ممكن عامر الحديدي أو عماد فاخوري أو حازم ملحس ؟
جعفر حسان : واو .. شو نسيت "منار دباس"

هنا انقطع الاتصال .. والى الاتصال المقبل ان شاء الله