جفرا نيوز -
كشف الفنان محمد ممدوح عن كواليس مشاركته في فيلم "إكس مراتي" الذي من المقرر عرضه خلال الفترة المقبلة والذي يشارك في بطولته بجوار هشام ماجد وأمينة خليل ومن إخراج معتز التوني، كما تحدث عن تأثير عمله بالفن على أبنائه، وثورتهم عليه بسبب انشغاله في أوقات كثيرة عنهم.
وقال ممدوح في تصريحات إعلامية، إن السيناريو هو ما حمسه للمشاركة في فيلم "إكس مراتي" بجانب تعاونه مع هشام ماجد والمخرج معتز التوني: "الورق شجعني أوي، ومن زمان كان نفسي أشتغل مع هشام ماجد وحاجة تشرفني لأني من معجبيه وبحب أتفرج على أفلامه وشغله ومعتز التوني مخرج خطير، والمنتج أحمد يوسف أخويا والورق حلو وهشام ماجد الجندي المجهول في الفيلم لأنه اشتغل على الورق كتير مع المؤلفين وأنا اتبسطت جدًا واكتشفت صديق وهو فنان كبير حقيقي وملهم وبيفكر وخطير إلى جانب أنه جدع وراجل، والفيلم مأخوذ عن قصة فيلم أجنبي واتمصر".
وعن عودته للكوميديا واللايت أوضح أنه لا يفرق معه طبيعة العمل بقدر اهتمامه بالنص، قائلًا: "الورق الحلو لما يعجبني بوافق وبحس إني بعمل حاجة جديدة ومش بيفرق معايا كوميديا أو تراجيديا وبحترم دماغ الناس في الشغل وبحاول أقدم حاجة جديدة ودي حاجة مهمة للصناعة".
وعن التعاون مع أمينة خليل في أكثر من عمل وآخرها فيلم "إكس مراتي" و"شقو" أضاف: "أمينة خليل فنانة شاطرة ونجمة كبيرة، والنجم في رأيي طريقة تعامل وتصرف وطريقة تناول واختيار مش مجرد الناس بتشاور عليه، لكنه لقب كبير وهي تستحقه وهي نجمة بتدخل المكان بتوه وبتعرف إزاي تختار وبالصدفة البحتة بيتم اختيارنا في أعمال فنية مع بعض وهي شاطرة وبتترسخ في كل الأدوار، واتحدت نفسها في فيلم شقو".
وكشف محمد ممدوح عن كيفية موازنته بين حياته الشخصية وعمله في التمثيل قائلًا: "ساعات مش بنجح بس بحاول وأهلي بيراعوا ده ومراتي بتراعي ده لكن كاميليا بنتي بدأت تثور عليَّ وتكون عايزة أقضي معاها وقت كتير وده هيكون مفيد لها ولي أنا كمان نفسيًا، والفترة اللي فاتت كان فيه زحمة بس كانت متفرقة على كذا سنة".
النسخة الكاملة
