بعد مرور 10 سنوات.. سلاف فواخرجي تنشر مشهدًا محذوفًا من مسلسل "كليوبترا"

جفرا نيوز - شاركت الفنانة السورية سلاف فواخرجي متابعيها على السوشال ميديا بنشر مشهد محذوف من مسلسلها "كليوبترا"، والذي تم عرضه لأول مرة منذ 10 سنوات، مشيرة إلى أن الأسد الذي ظهر في هذا المشهد خرج عن السيطرة وحطم الديكور بالكامل ولولا ثباتها كان قد التهمها.

وقالت سولاف عبر حسابها الرسمي على موقع "انستغرام" : "هادا المشهد بمسلسل كليوباترا، لم يعرض عالشاشة ضمن المسلسل، لأنه ما اكتمل واكتفى المخرج وائل رمضان بهي اللقطة بشارة البداية.. بسبب إن الأسد اللي كنت أنا وياه والمصور فقط بالقاعة لحالنا، طلع عن طوره تماما ولما حرك راسه بآخر اللقطة هي كانت البداية لتحطيمه كل الديكور بالكامل واللي رجعنا بنيناه من جديد ".

وأضافت: "راكان حمودة المصور لحق حاله وهرب واخد الكاميرا معه .. وبقيت أنا ... الحمد لله ما صارلي شيء ولكني هلأ موجودة وعم أكتب .. بس من أنا وطفلة بحس إنه عندي قوى خارقة معينة.. بناء على تجارب وأدلة مو بس حكي .. ويمكن كمان لأني بحب الحيوانات كتير فبحس أني قادرة أفهم عليهم ...وياما حكيت معهم بلغتهم ... بأحلامي ".

واختتمت حديثها، قائلة :"تعاملت مع معظم الحيوانات الأليفة بطبيعة الحال وتعاملت مع أسود ونمور وتمساح وأفعى اللي لي معها قصة تذكر كمان .. يمكن تهور متل ما قالي مشرف الصوت حمزه الشعار، إنه في خيط رفيع جدا بين الشجاعة والتهور .. وهاد ... تهور ... !! يمكن معه حق .. بس وقتها نسيت أحكيله عن قوايا الخارقة وأنا وصغيرة .. وأحد الأدلة هو مثلا هو هاد المشهد".