أختي ماتت بسببي.. قصة مرعبة عن الحسد تقلب مواقع التواصل
تداول النشطاء عبر مواقع التواصل خلال الساعات الماضية مقطع فيديو مرعب عن أخت تسببت في وفاة شقيقتها عن طريق الحسد.
واتصلت امرأة ببرنامج المذيعة مروة عزام لتروي لها عن قصتها وأنها تسببت في وفاة أختها بسبب الحسد لأنها كانت دائما تغير منها ومن النعم الموجودة في حياتها وأنها تتنزه وتسافر مع زوجها ويحضر لها أشياء قيمة.
والمتصلة لم تشعر بانها مخطئة في الحسد في حد ذاته ولكن تشعر بالحزن على وفاة أختها، فهي ترى أنها مظلومة والحياة حرمتها من أشياء كثيرة والكل يعيش أفضل منها حتى شقيقتها.
وتسببت المكالمة في حالة من الرعب بين جمهور السوشيال ميديا عن مدى خطورة الحسد خاصة بينما ياتى من أقرب الناس.
وإليكم تفاصيل المكالمة التي تصدرت مواقع التواصل بسبب الحسد من الأهل وأقرب الناس.
= أنا عايزة اتكلم عن تجربتي مع الحسد وخايفة متصدقنيش
- لا قولي يا حبيبتي اتفضلي
= أنا كنت سبب في مـوت أقرب حد ليا بسبب الحسد وكنت ببص لأخواتي وأصحابي وقرايبي وكل الناس على كل النعم اللي هما فيها ، وأختي مـاتت بسببي
- أعوذ بالله اهدي ليه بتقولي كده ؟
= عشان أختي ماتت بعد ما شفت صورها في المصيف هي وجوزها والكلام طلع مني غصب عني قدام أهلي وقولت دي عايشة في نعيم جوزها كل يوم موديها في حتة هي ناقصها ايه تاني ومقولتش بسم الله ماشاء الله لأن أنا عايشة مع بني آدم مخليني أحسد كل الناس مش أهلي بس .. أشمعنى أنا اللي معنديش!
- يعني ماعندوش مقدرة مادية يفسحك؟
= الله أعلم بقى معهوش ولا بيستخسر هو شغال علي قد مرتبه، أنا متجوزة من 6 سنين ومعنديش غير شنطة واحدة بس بخرج بيها أنتي ممكن تقولي عليا ببالغ بس مش معايا غير شنطة واحدة بس بخرج بيها
- وإنتي أختك ماتت بعد ما قولتي كده على طول؟
= تاني يوم العربية أتقلبت بيهم وهما جايين في الطريق .. أنا على طول كنت باصة في عيشتها وعلى اللي بتجيبه وأختي التانية كمان ماشية بالفيزا كارت بتاعتها على طول بس مبقتش اتكلم عنها، وساكتة علشان ميحصلش حاجة لحد تاني بسببي
- لما جه الخبر أن اختك ماتت حد أتهمك أو قال انتى السبب ولا انتي حسيتي ده؟
= كلهم بصولي بصة وحشة وبقوا يخافوا مني ويبعدوا حاجتهم من قدامي وأنا عارفة انهم بقوا يخافوا مني.
- طب غير أخواتك إنتي ليكي تجربة تاني مع حد اتحسد منك؟
= تجارب كتير أوي أنا بس عايزة أكدلك أن الحسد موجود
- الحسد موجود بس انتي ليه مبتشتغليش على نفسك؟
= لأن ناقصني حاجات كتير مش موجودة أشمعنى أنا، دايماً بتقولوا أن كل واحد أخد الـ 24 قيراط كاملين بتوعه في حين أنا مش واخدة منهم حتى 20%
- لا حول ولا قوة إلا بالله ليه بتقولي كده .. عندك أولاد؟
= عندي 2
- طب ايه اللي ناقصك، كل قصتك في الماديات في شنط الخروج علشان معندكيش الا شنطة واحدة مش شنط كتير تخرجي بيها؟
= انتي لما تبقي عايشة معندكيش حاجة خالص ساعتها أبقي قوليلي كده، أنتي الموضوع سهل عندك علشان بتخرجي وعلشان عندك كذا شنطة وبتروحي كذا مكان.