جمهور دينا الشربيني ينتقد تامر حسني بسبب تصريحه عن بطولة فيلمه "تاج"

جفرا نيوز - تسبب تعليق الفنان تامر حسني على فيديو لمقدمة البرامج ياسمين عز وهي تشيد به وبموهبته، والذي استنكرت فيه موجة الهجوم على أعماله وبالأخص فيلمه الجديد "تاج"، في غضب جمهور الفنانة دينا الشربيني بعدما نسب تامر نجاح الفيلم لنفسه وليس لمجموعة العمل.

وكان تامر قد علق على الفيديو الذي نشره على خاصية القصص المصورة الملحقة على حسابه الخاص بـ"إنستغرام" قائلاً: " فيلم تاج تم بيعه بنجم شباك 1، مش تجميعة نجوم، ودي حاجة تحسب للفيلم وبعملها كل سنة الحمد لله، وکونه نوع جديد للسينما العربية يحسب للفيلم برضه، الفيلم الحمد لله تم توزيعه النهاردة عالميًا أكيد دي حاجات بتزعل بعض ضعاف النفوس.. ولكن واقعها على الناس العقلاء جميلة اللي بيتمنوا الخير لابن بلدهم اللي حاجة زي كده بتشجعهم إن مفيش مستحيل ولا يمكن نبقى حافظين مش فاهمين".

وتابع: وكمان بقى بجتهد وبألف وبخرج، زمن غريب والله بنلوم المجتهد اللي بيألف وبيخرج وسايبين الكسلان وضعاف النفوس، يكفيني شرفًا أن الفيلم العربي صاحب أعلى إيرادات في تاريخ السينما العربية دوليًا إنتاج مصري هو فيلم من إخراج تامر حسني، فيلم بحبك، تفتكر دي وقعها على الودن عادي؟!!! لا طبعا، هي مؤلمة أوي بس مؤلمة لغير الأسوياء، وجميلة للعقلاء اللي بيتمنوا الخير لابن بلدهم اللي حاجة زي كدة بتشجعهم ان مافيش مستحيل ولا يمكن نبقى حافظين ومش فاهمين".

ووجه تامر كلامه لياسمين عز قائلاً: "أحب أطمنك يا ياسمين إنه لا يصح إلا الصحيح وخلي بالك الجمهور ذكي جدًا ويمكن بسبب الحملات الساذجة دي الجمهور زاد طلبه على الفيلم لإن الحملات زادت فضول الناس إنها تروح الفيلم عشان تحكم بنفسها، ولما راحوا عجبهم الفيلم بدليل إيراداته الضخمة، لو جبت أهم شركات في العالم عشان يقدموا فكرة بالذكاء ده عشان أعمل دعاية لفيلمي مكانوش هيوصلوا لربع المفعول الإيجابي اللي عملوه الحملات واللجان المأجورة في إثارة فضول الناس إنها تروح تشوف الفيلم والله مفعولهم مردوده أقوى من الدعاية اللي بندفع فيها فلوس".

واختتم تامر حسني: "بالمرة نشيل من على شركة الإنتاج باند الدعاية عشان مكلف أوي بصراحة ونسيبه على المغيوظين هما يدفعوه ربنا ما يقطعلهم عادة أحب أفرحك أكتر يا ياسمين فيلمي اللي جاي تصويري كمان، شكرًا لدفاعك عن الحق يا أحلى ياسمين".

وانتقد عدد كبير من الجمهور تصريحات تامر معتبرين أنه بدأ يسير على خطى بعض الفنانين الذين ينكرون مجهود زملائهم في أعمالهم.

فيلم "تاج" بطولة تامر حسني، ودينا الشربيني، وساندي، وبيومي فؤاد، وهو من تأليف تامر حسني وإخراج سارة وفيق.