جفرا نيوز -
جفرا نيوز - كشفت الفنانة المصرية الشهيرة، عزة بهاء، سراً من أسرار حياتها الشخصية وذلك أثناء حلولها ضيفة في برنامج (قعدة ستات) من تقديم الإعلامية مروة صبري.
وقالت عزة بهاء إنها تزوجت 3 مرات ووصفت حظها في الزواج بالسيئ لأن اختياراتها خاطئة، مضيفة "مليش حظ في الرجالة للآسف أنا بختار غلط".
وذكرت عزة بهاء أنها اكتشفت بالصدفة أن زوجها متزوج عليها يوم جنازته وقالت: "أنا كنت قاعدة مستنية جوزي كان مسافر وراجع واتأخر، لقيت مامته بتكلمني وقالتلي أنه أتوفى، مكنتش مستوعبة، نزلت وروحت لقيته أتوفى فعلا ولقيت في عربية الإسعاف معاه واحدة، فضلت أخبط على الباب عاوزة أعرف إيه حصل ومين معاه". وفق (في الفن)
وأكملت: "بعد ما صلينا وأتدفن واحد من أصحابه كان بيواسيني، فسألته مين اللي كانت معاه لأنهم قالولي أن كان معاه حد في الرحلة، قالي لأ متظلميهوش يا عزة هو طول عمره على خُلق دي مكنتش صاحبته دي كانت مراته".
وأوضحت عزة بهاء أنها كانت الزوجة الثانية لأن زوجها كانت متزوجا من سيدة أجنبية، وأنها اكتشفت زواجه من الثالثة يوم وفاته.
وخلال اللقاء كشفت عزة بهاء سبب غيابا وعدم مشاركتها في أعمال جديدة وقالت: " أنا ممثلة مش موديل؟ هل عمركم شفتوا عبلة كامل في مهرجان فني؟ كانوا زمان بيدعوني للمهرجانات الفنية ولكن غالبا دلوقت اتنسيت من كتر ما برفض لأني مبعملش شغل ف هروح ليه؟ والتصوير على الريد كاربت مطلوب وبيفكر الناس بالنجوم، وممكن أجهز وأخلص لبس واجي على آخر دقايق أقول لا مش نازله ماليش مزاج، وأنا فاشلة في العلاقات العامة ومش بلاقي نفسي وسط الوسط الفني، ومش شبه الوسط الفني اللي موجود آخر 10 سنين".
ويشار إلى أن آخر أعمال الفنانة عزة بهاء هو مسلسل أمر واقع والذي تم تصويره خلال عام 2020.
النسخة الكاملة
