جفرا نيوز -
وجه الفنان المصري تامر حسني، رسالة تحفيزية لمحبيه، لمواجهة الإحباط، ومراجعة ومواجهة أخطائهم، وكيفية التعامل مع من يحاول إحباطهم.
وقال تامر حسني عبر صفحته في موقع (فيسبوك) "من خلال قرائتي و دراستي الفتره الأخيرة لبعض العلوم و أهمها علم الدنيا اللي احنا فيها دي و من خلال تجربتي الشخصية حابب اتكلم عن حاجه مهمه أوي، و تخص كل واحد فيكم نفسه يتقدم، يتقدم في عصر الإحباط اللي احنا عايشين فيه ده، لو أنت غلطت في حاجه زمان، ده مش معناه إنك مينفعش تبقى ضد التصرف ده دلوقتي، ده مش نفاق انت بس كبرت و عقلت و فهمت و بقيت أفضل زي ما ربنا عايزنا نتطور للأفضل".
وأضاف تامر حسني :"فمتسمحش للناس انهم يستخدموا ماضيك عشان يهدوا فكرك الحالي دلوقتي، ده تطور طبيعي للّي عايز يبقى إنسان كويس و قلبه سليم، بالعكس بقى لازم لما حد يفكر يضايقك بطاقه محبطه ، أنا عايزك تاخد الطاقه دي تشتغل بيها و تحولها لوقود حرق يخليك تنجح، و تعلى اكتر عنداً في اللي عايزين يشوفوك فاشل، و تبقى عادة عندك كل ما حد يحبطك تنجح و تطور نفسك زيادة لحد ما اللي بيحبطك يشوفك فوق جداً و فارق عنه".
وتابع الحديث :" ساعتها هيضرب نفسه بالجزمة ، إنه كان بيحاربك عشان هو هتبقى طاقته فضيت و فشل عشان وظف طاقته ليك وانت وظفت طاقتك وطاقته لخدمتك، فبقى عندك كذا دافع للنجاح يسخنك و يحفزك، هيجيلك هو بقى ساعتها ضعيف و ندمان، اوعى تنتقم منه، و افتكر إن العفو عند المقدرة ثوابه كبير أوي عند ربنا، فبرضو هتاخد أكبر ثوابه و برضو بسببه و هتعلى تالت".
وأكمل تامر حسني"و بكده انت بذكائك و إيمانك بنفسك و تقديسك لوقتك ،عرفت تخلي كل اللي جالك منه أو من الناس اللي شبهه في مصلحتك انت، عشان ركزت في نفسك و مشيت في حالك زي ما ربنا عايزك، و حذفت الناس المحبطة من حياتك".
واختتم تامر:" ثق في نفسك ثق في تغييرك انت صح، اوعى تشوف نفسك قليل، كمل متشوفش نفسك غير ناجح و واصل لحلمك، و يارب اشوفكم كلكم ناجحين، و مش ملتفتين لأي مُحبِط وموظفين طاقتكم لخدمتكم، عشان طاقتكم زي البطارية لما يجيلها يوم و تخلص، تبقى خلصتها على نفسك و تطوير نفسك مع نفسك وعلاقتك مع ربنا قبل الكل". وفق (لها)
آخر أعمال تامر حسني
طرح الفنان تامر حسني في رمضان الحالي، أغنية بعنوان "رمضان كريم"، من كلمات محمد مصطفى ملك، وألحان محمود أنور، وتوزيع محمد ياسر.
النسخة الكاملة
