حوار ساخر بين المسؤول والإعلام حول انتقال شاهين من بريطانيا إلى ألمانيا

جفرا نيوز - جفرا نيوز - سامر الخطيب

الاعلام: مرحبا مسؤول؟
المسؤول: أهلا وسهلا.

الاعلام : يا رجل شو صار بالزلمة خالد شاهين؟
المسؤول:الحمد الله تغلبنا على أمريكيا والغرب .

الاعلام : كيف يا مسؤول؟
المسؤول: احكيلك كيف الغرب والأمريكان قعدوا 10 سنوات وهموا يتبعوا أسامه بن لادن ودفعوا دم قلبهم وهم بحاولوا الالتقاء به إحنا بفض الدبلوماسية الأردنية إلي مش موجودة بالعالم خلال اقل من ثلاثة شهور صرنا عارفين وين راح ومن وين طلع وشكلنا لجنة على غرار لجنة الحوار الوطني ولجنة الاقتصاد الوطني ليل نهار شغالة على البحث والتحري عن شاهين برئاسة وزير الخارجية ناصر جودة وبفضل الدبلوماسية طاردنا زنقة زنقة دار دار حجرة حجرة في بريطانيا حتى فللنا إلى ألمانيا والبحث والتحري مستمر عنه.


الاعلام: طب شو بعد ألمانيا؟
المسؤول: اتفقنا من خلال الدبلوماسية الأردنية المتألقة بمطاردته من دولة لدولة في أوروبا وبعد هيك إحنا بنعرف انه رح يغادر إلى أمريكيا الشمالية وبعدين إلى أمريكيا الجنوبية وبعد هيك رح يرجع إلى استراليا ومن ثم إلى أفريقيا ونهاية يعود إلى آسيا وفي كل دولة وقارة بس يطلع منه بنحصل على ضمانه وتعهد من الدولة بعد السماح له بالعودة إلها وهيك بنكون حاصرنا وضيقنا عليه وانجحنا في إعادة للأردن من جديد وبرجع بكمل محكوميته في فندق سلحوب للمسؤولين رفيعين المستوى.

الاعلام: بس يا مسؤول هاي المطاردة بتكلف مبالغ كبيرة أكثر من إلي أخذها شاهين؟
المسؤول : والله الحكومة والدبلوماسية بتقول لو ما بظل عندنا إلا التوجيهي إلا اخصخصه ونبيعه وندفع عشان شاهين ابن المحترم ما يعلم علينا يا رجل فضحنا وبهدلنا وخلى إلي بسوا وما بسوا يجي فينا بشرفك لو انك كنت بدل الحكومة بتعمل مثل هيك وإلا لا.

الاعلام: طيب هذا الأمر بطلب وقت كبير يعني انتوا بدكم تتبعوا من دولة لدولة وكل دولة تقعدوا فيها ثلاث شهور يعني أكثر من 50 سنة وانتم بتحاصروا فيه.
المسؤول: مش مشكله في إسرائيل بحكموا الواحد 245 سنة وحنا مش راضين نصبر  50 سنة ونرجع للي بطالبه بالإصلاح شاهين.
الاعلام : مسؤول بصراحة بدي احكيلك عيش يا اقديش ليجيك الحشيش.......