جداول المرشحين الأولية لانتخابات غرف الصناعة- رابط طقس معتدل الاثنين الزيناتي يجدد مطالبه بالسماح للبلديات بقنص الكلاب الضالة ومكافحتها إرادة يكرم المتميزين في العقبة ولا صحة لوجود إي إنسحابات…. فيديو وصور الحدود الدنيا لمعدلات القبول بمكرمة أبناء المعلمين فتح طلبات الانتقال لطلبة مكرمة أبناء العشائر والأقل حظًا - رابط الضمان توفّر سلفاً شخصية لمتقاعديها تصل إلى عشرة أضعاف الراتب التقاعد وتقسيطها على فترات هام للمعلمين الجدد في الاردن تعليمات لضمان جودة المؤسسات التعليمية ورياض الأطفال - تفاصيل عطاء بمليون دينار لصيانة وتعبيد طرق الطفيلة إطلاق مسابقة مختصة بتدقيق الخدمات الحكومية الرقمية السفير الأردني بسلطنة عُمان: الأردن يسعى إلى تعزيز العلاقات بين البلدين في جميع المجالات خاصةً الاقتصادي الملك يهنئ الرئيس العراقي بالعيد الوطني لبلاده المستقلة للانتخاب تبدأ تدقيق سجلات غرف التجارة إحالة موظفين حكوميين إلى التقاعد - (أسماء) الملك يلتقي شخصيات من بينهم وزراء وسفراء ونواب - صور الافتاء توضح حكم الاحتفال بالمولد النبوي - تفاصيل الملك يبدأ زيارة رسمية إلى سلطنة عُمان الثلاثاء "الملكية " تتوصل لاتفاق لإدخال 20 طائرة حديثة إلى أسطولها مدير الأمن العام يستقبل السفير القطري
شريط الأخبار

الرئيسية / كتاب جفرا نيوز
السبت-2022-08-13 08:46 pm

بلاها دكتورة الأسنان..!

بلاها دكتورة الأسنان..!


جفرا نيوز/ بقلم الدكتور محمد أبوعمارة 

ذهبت وبناء على طلب أهل العروس لأجيب أهل العريس في الجاهة حسب البروتوكول المتبع في بلدنا الحبيب... وما أن وصلت حتى سارع أهل العروس لإستقبالي بشكل مفرط بالدلال لدرجة تسببت لي بالخجل... وبدأنا بإعداد العدّة لاستقبال جاهة العريس وأهله وعندما اقترب قدومهم ذهبنا للإصطفاف أما الصيوان الذي نصب خصيصاً لهذه المناسبة...
وما أن وقفنا حتى جاء رجل كبير في السن وقفز عن الدور ووقف بجانبي وقال: انت اللي رح ترد على الجاهة 
-نعم
-بتعرف يا عمي ترد، ما بدنا تفضحنا!
-توكل على الله
-يعني عمرك رديت على جاهة؟
-نعم.
-طب أنت شو بتشتغل؟
-دكتور
-طبيب أسنان ولا عام!
-لا دكتور رياضيات
-مش سامع علّي صوتك!
وقبل أن أجيبه وصلت الجاهة وبدأنا بالسلام على أهل العريس والرجل الذي بجاني يسألني... طب بتعرف اسم العريس والعروس
-وأجبته وأنا اسلم على الناس .. نعم
-الله يستر من هالليلة... وتمتم بكلمات لم أستطع سماعها..
ولا أعرف لماذا كان يشك هذا الرجل بقدراتي!! وبعد انتهاء السلام ذهبنا إلى الصيوان وأجلسني أبو العروس مقابل الشيخ من الطرف الآخر الذي سيطلب يد العروس... وجلس بجانبي أبو العروس وأصدقائي الذين رافقوني في هذا المشوار وأنا أسمع ذلك الرجل الذي يجلس بقرب أحد أصدقائي يقول.. الله يستر من هالدكتور والله إلا "يعك الدنيا"، يا عمي دكتور شو بيفهمه بالطُلبه!
وبدأت الطقوس فتقدم الشيخ بطلب يد العروس بطريقه جميله.. وجاء دوري في الرد وسمعته يقول: الله يستر! وقبل أن أجيب ذهبا نحوه وهمست في أذنه: والله إلي خاطر أرفض الجاهة مشان خاطر عيونك وعدت لمكاني وبدأت بالإجابه بطريقة أعتقد أنها لاقت أستحسان الحضور ومنهم ذلك المتشائم وبعد ذلك قرأنا الفاتحة..
وبعد ثوان وفجأة قام الرجل كبير السن الذي قام من كرسيه وجلس ملاصقاً لي وقال: ما شاء الله عنك... والله بيضت وجهي... لأ طلعت مس بس دكتور نسوان ودكتور حكي ههههه 
-دكتور نسوان!! وليش بيضت وجهك أنت شو خصك؟!

-ما أنا جار العروس وتعتبر مثل بناتي
-تشرفنا يا سيدي
-دكتور، بدي إياك تلاقيلي عروس لإبني (جميل) وبدي إياها دكتورة أسنان من هلّي بيشتغلوا معك والله ابني ممتاز وخلوق وحتى مخالفة سير ما في عليه..
-إن شاء الله!
-تخيل وصل الأربعين سنه هالمسكين ولسه ما تجوز، مؤدب وحلو والله والله مخالفة سير ما في عليه!
-ما شاء الله
-رحنا عند دار إم خليل مشان نطلب بنتهم بس ما عجبتوا! قال شو.. مش حلوة!
-ليش عاد بنت إم خليل حلوه! (طبعاً أنا عمري ما شفت  إم خليل ولا بناتها)
-صح بس الناس أذواق يا دكتور هههههه مسكين والله مخالفة سير ما في عليه بحكيلك مؤدب مؤدب وبعدها زرنا أبو جلال بس بصراحة بنتهم  مش متعلمه وما رضي فيها..
-طب أبنك شو دارس!!
-يا رجل الشهادة مش مهمة المهم الاخلاق بحكيلك مخالفة سير ما في عليه!
-طب شو بشتغل .
-خذوهم فقراء ويغنيهم الله وان شاء الله قريباً في وظيفة محترمه بتستناه.
-يعني ابنك لا شهادة ولا شغل.
-يا رجل مخالفة سير ما عليه! شو يعني الشهادة وشو يعني الشغل.. المهم الصحة والأخلاق!
-وبدك تجوزه دكتوره أسنان، طيب دكتوره عادية ما بينفع!!
-لا مش حابب والله، حو حابب دكتوره اسنان
-ما شاء الله، يعني أنا لما أروح للعروس أحكيلها الشب ما شاء الله عليه لا شغل ولا شهادة بس والله والله والله مخالفة سير ما عليه، طيب حج ممكن سؤال!
-تفضل
-هو ابنك بيعرف يسوق
-ليش السؤال
-بس هيك فضول
-لا والله لسه! بس قريباً رح أسجله بمركز تعليم سواقه!
-وهلكتني انه ما عليه مخالفة سير طيب كيف بده الشرطي يخالفة يعني يخالفة على إيش مثلاً وهو ما بيسوق!! يا رجل والله إنك غريب، وقمت من مكاني وحاولت المغادرة وهو يلحق بي ويقول: طيب خلص ماشي دكتوره عادية موافق بلاها دكتورة الأسنان! بلاها دكتورة الأسنان!!      
*رئيس جمعية الكتاب الإلكترونيين الأردنيين
ويكي عرب