كتب: محمود كريشان

اهلا وسهلا فيكن.. نورتوا لبنان.. ليك نحنا بنحب اهل الاردن "النشامى".. و"جيشنا جيش الوطن".. هيدي احلى اغنية بنحب نسمعها.. هكذا تطالعك موظفة الاستقبال في فندق فاندا بالمعاملتين، فيما يرحب بك على طريقته مالك الفندق وليد العس.. يا هلا.. هاتوا التبولة.. وجيبوا الكبه نيه.. ولا تنسوا الشنجليش.. وعمرها بإيدين تعلي بسواعد بالمجد و بالقصد المارد..

عمرها تضحك بيادرها..

تذهب في ليل بيروت.. صوب "الحمرا".. تحديدا شارع المقدسي.. حد سفارة الهند وهناك يحلو السهر في "ايفر غرين".. وهيدا "اميغو".. تالي الليل.. يقسم بأغلظ الايمان انه "الحساب واصل".. يا عيب الشوم ما في شي من الواجب.. ولو.. بنحطكن بعيوننا..

في لبنان كل شيء يعشق الاردن.. كاونتر الجوازات سواء في مطار رفيق الحريري او حدود الجديدة البري.. يرحبون بنا.. ليك تفضلوا بسرعة بنمشيكن.. يسعد ربكن ومواقف بلدكن مشرفة معنا ومع كل العرب.. الجميع يعرف "المنسف" ويقولون شو طيب كتير.. والأزكى "السوس".. وقصدهم عن "لبن الجميد".. بيمزع "العئل".. و"لزيز" كتير.. متل الاردن..

يا سادة.. لبنان جميل واصيل.. بمختلف تفاصيله ونسيجه.. سنة وشيعة.. دروز وموارنة.. وكافة معتقدات اهله.. لان الدين لله.. ولكن لبنان للجميع.. هذا البلد ينزف وشجر الارز يبكي ويئن.. لم يعد يشرب "تنورين" ولا "بقين".. الصورة واضحة "عدونا" واحد.. و"ربنا" واحد.. والمجرم يقصف ويقتل ويسفك دماء ابناء جلدتنا.. بلا رحمة ولا شفقة.. والعالم صامت امام غطرسة اهل الغدر ونكث العهود..

راجع بتعمر لبنان.. لانه الكرامة والشعب العنيد.. والله اكبر دوما من بني صهيون.. وسنسهر في الحمرا وجونيه والمعاملتين والاشرفية وزحلة وطرابلس وبعلبك وخلدا.. وان ما اخدته ع الروشة بالبيت بيعمل دوشة..!

حتى لا ننسى.. يوجد لدينا في بيروت "سفير" بوزن الذهب.. "وليد الحديد".. وياريت عندنا الف سفير مثله.. وكفى..

Kreshan35@yahoo.com