جفرا نيوز - خاص 

صاحبنا بحب السهر وبكره النوم "بدري".. لأنه عنده مزرعة و"حاكوره".. بعزم عليها ناس ميسوره ومشهورة.. ولازم يجيب لزوم القعده "قاروره".. وصبيه حلوة وصغيرة "فرفوره"..!

بحب "تل أبيب" أكثر من القدس وعمان.. وإله مع "إسحق رابين" قصص وقعدات كمان.. وحسابه في البنك بـ"الشواكل" مليان.. وممكن يبيع بكمشة دولارات أهله والأوطان و"أشياء ثانية" كمان..!

راسه قد راس "الملفوف".. من الشلاليط وصفق الكفوف.. لما سرق أشرطة التلفزيون.. وخان الأمانة وأنكر  المعروف.. وبعدها صار يجيب زباين وضيوف.. وعينك والله ما تشوف..!

على "الهوا" بقول أنا معاي دكتوراه.. رغم انه ذنبه بجرو وراه.. وصاروا يحكوا له على "الراديو" دكتور.. وما بعرفوا إنه "قرنه" أكبر من قرون الثور.. واللي بدري بدري إنه هو "طرطور"..! وبحضر الثلج والكاس لمعلمه..! 

هامل.. ودايما داير في "السوق الحرة".. بحط في السله سيجار ووسكي وبعطوه صُره.. ما بدفع الحساب أبدا بالمره.. وصار مستشار وعجبته الفكرة.. وبلش يغرف دنانير من الحكومة ويحط بالجره..!